من فترة قريبة دخل حياتي شخص، هو اللي بدأ وقرب… وقال إنه شايفني مختلفة وعايزني في حياته. أنا في الأول كنت متمسكة بقراري ومش حابة أدخل في أي حاجة، بس مع الوقت سيبت لنفسي فرصة. رجعت فكرت تاني ورفضت فكرة إننا نتصاحب، وصارحته بده… ساعتها قال إنه عايزني بجد وناوي يتقدم في الشتا الجاي. الكلام كان كبير… بس مفيش سبب واضح ولا خطوة حقيقية. فضل السؤال جوايا: لو أنا فعلاً الشخص اللي هو عايزه، ليه مستني؟ وليه مفيش أي جدية دلوقتي؟ مع الوقت حسيت إن الكلام مش قدّه، وإن في تردد أو عدم وضوح… فحاولت أبعد بهدوء عشان مفيش مشاكل. بس حتى ده محصلش باحترام كامل… يوم نقرب ويوم نبعد، وكأن الموضوع كله حسب مزاجه. آخر موقف خلاني أفهم كل حاجة… لما اتضايق إني مش بعرف أقول كلام حلو زي ما هو عايز، وبعدها بقى في تجاهل واضح. ساعتها بس استوعبت: اللي داخل بجد مش بيحتار، ومش بيختفي فجأة. فاخترت أختار نفسي…وأنا كنت حاسه من الاول انه شخص متلاعب بس سبتو للآخر وفلاخر قررت اعمل بلوك هل كدا انا صح؟؟
لا مش غلط الغلط انك تقوليلو الكلام اللي كان عايزك تقوليه وصح اللي عملتيه لو هيتقدم في الشتا يبقى خلاص ليه الاستعجال
اوكاي يا قلبي، معاكي حق
عملتي الصح هو لو كان هيتقدم الشتا الي الجاي مكنش عمل كدا
لا، ليه بلوك
حساكِ مش ناضجه كفايه ازاي قدر يضحك عليكِ كده بلاش تتخلي في علاقات محرمه حتى لو شايفه ان اخرها حلو اوي وحياه سعيده