كنت اتمني اتربي بطريقة انضج واحسن من اللي اتربيت عليها الحقيقة . كان نفسي اهلي يبقو ناضجين كفاية قبل ما يخلفوني أو يخلفو بقيت اخواتي . اصل مش من النضج أنهم يخلو طفلة تشيل مسؤولية طفلين تانيين اصغر منها بسنتين وهي عندها 8 سنين وتبقي لوحدها فالبيت معاهم ولو غلطت غلط صغير تتحاسب كان شخص كبير وناضج هو اللي غلط الغلط الغبي ده ، ومش من النضج بردو أنهم يدخلو أطفالهم يحلولهم مشاكلهم ، ومش من النضج أن هما ييجو علي الطفل "المطيع" أو اللي مبيقولش لا علشان عارفين أنه مش هيتكلم مهما عملو فيه ، مش من النضج أن هما يعملو مشاكل كبيرة بسبب حاجات كلها تافهه و بعدين يتصالحو بكل سهولة و ميفكروش اصلا اثر الحوارات دي علي الطفل يبقي عامل ازاي . انا اه مش بكره اهلي بس كنت اتمني لو كانو ناس ناضجه و اتمني اني كنت مضطرش اربي نفسي بنفسي علي الصح لأن هما نفسهم لسة مش عارفين الصح من الغلط . يمكن اللي عملوه ده خلاني حد مسؤول ، ذكي و بيعرف يتصرف ويحل اي مشكلة بس بقيت حد كتوم جدا و مبيحبش يطلب المساعدة و مش بقدر اتحكم فغضبي لاني بكتم كتير وبعدين بنفجر وبقيت دايما شايفة اني لازم اقدم حاجة أو يكون ليا لازمة علشان اتحب واني طول ما مش بقدم حاجة للشخص اللي قدامي شوية وهيبطل اصلا يحبني و اتعلمت منهم بردو حاجة مهمة وهي أن النضج عمره ما كان بالسن ممكن تدخل ف نقاش مع حد عنده ١٠ سنين وحد عنده ٢٠ وتلاقي اللي عنده ١٠ واعي وناضج اكتر . فنصيحتي ليكو اختاره شريك حياة ناضج و واعي وانتو كمان ابدأو ابحثو و فكرو ازاي تربو اطفالكم المستقبليين بطريقة كويسة و قبل ما تجيبوهم تبقو جاهزين كويس اوي لخطوة زي دي وشكرا ليكم جدا لو كملتو لحد هنا