عاوزه اتكلم في حاجة معلش طويلة شوية وملغبطة أختي الصغيرة أصغر مني ب ٥ سنين ما شاء الله عسولة وذكية جدا وكمان ذاكرتها قوية هي في تالته اعدادي نتيجة الترم الاول بصراحة كانت وحشة جدا بالنسبالها وبالنسبة لينا يعني أنا كلية تمريض واخونا الكبير كلية طب ف نتيجتها كانت وحشة لدرجة أن امي واخويا وبابا قاطعوها وطبعا كل ده ضغط نفسي عليها وانا وهي قريبين من بعض من زمان جدا كنت زعلانه على النتيجة وعمالة أهديها وطبعا عمري م هقاطعها المهم أن هي الترم الاول مكنتش بتذاكر قد كده كانت يدوب الترم التاني امي شدت عليها عشان تعرف تدخل ثانوي عام ف المواد اللي هي جايبة فيها درجات وحشة خليتها تسيب المدرسي بتوعها وتروح عند ناس تانية بالاجبار وطبعا الناس التانية دي من اللي ببضربو وكده وانا اختي عمر م الأسلوب ده جه معاها حتى من ماما وكده المهم بعد م بقت بتروح عند مدرسين مش عاجبنها بقت كمان تروح في المواد دي درسين ف بقى بدل م تروح ٥ دروس تروح ٨ وكله طبعا بمزاج امي والموضوع ضاغطها جدا مش فكرة بس الدروس الكتير لاء دي بتروح عند مدرس مش بتحبه ولا هو بيحبها وأسلوبه ي تجاوب ي تتضرب وكمان زمايلها اللي معاها مش بيحوبها الموضوع مآثر فيها لدرجة أنها حرفيا مش بتبقى مبسوطة غير يوم الاتنين والخميس اللي مفيش فيها الدروس دي هي من اول الترم التاني بقت لتحاول تذاكر عن الاول بس برده هي الصغيرة اللي فينا وشايفة الاتنين الأكبر منها مش بيذاكرو اغلب الوقت ف هي عاوزه تبقى زيهم بس برده لتحاول تذاكر اكتر من الترم الاول بكتير يومها حرفيا تصحى تشوف لو في حاجة من دروس انهارده تعملها وتروحهم تيجي يدوب تاكل ماما تقولها ادخلي ذاكري كذا وكذا ف لما يجي وقت النوم بتبقى هي مطحونه بس مش بتسيب نفسها تنام عشان تقضي شوية وقت على التليفون ف طبعا ده بياثر على نومها بس انا مقدرش أجبرها تسيب التليفون وتنام وانا عارفة انها على اخرها من كل حاجة من الدروس والمذاكرة والام والضغط اللي في البيت وامي بتعد تقولها كلام وحش اللي هو انتي هتدخلي دبلوم أو تعدي من التعليم وتبقي خدامه ليا في المطبخ ونجوزك واحد بتاع توكتوك أو معرفش ايه ويصبحك ويمسيكي بعلقة وحوارات من دي وانا حرفيا مرعوبة حاجة زي دي تحصلها أو لقدر الله متجبش مجموع ثانوي ده غير أن بقى عندها تقلبات مزاجية واضحة جدا يعني تبقى عادي واليوم بيخلص وتتقفل عشان بكرة هيجي وهكذا وساعات تتقفل من غير حاجة وكمان هي كتومه ف بتستحمل كلام كتير اوي من ماما أو من بره وتقولي مثلا ربعه مش كله وبقت مبتعيطش خالص بقت شخصيتها بارده أو هي بتتصنع انها بارده قدام ماما مثلا عشان متعيطش قدامها ده كله غير صحابها أن صاحبها كلهم بيكرهوها حرفيا هي كمان مش بتحبهم بس ديما هي بتبقى لوحدها وسطهم وكمان يعدو يعملو مؤامرات عليها ويضايقوها محدش يقولي اقول لامي واخويا أو بابا عشان هما في المواقف دي حرفيا بيجيبو اللوم علينا وطبعا احنا اللي غلط والدنيا كلها صح اخويا السنادي في الكلية بيدرس الطب النفسي ف هو كان فاضي وطبعا الكشف ليهم في الجامعه ببلاش المهم هو كان فاضي ومش عاوز يذاكر ف البيه راح كشف والدكتور قاله انت عندك ADHD اللي هو اي مصري دلوقتي عنده اي حاجة يبقى عنده ADHD والدكتور اداله علاج على أساس الدنيا تتحسن بقى والحوارات دي وانا متاكده أن مفيش حاجه حصلت جديده وهو لو عاوز يذاكر بيذاكر انا مؤمنه بالطب النفسي بس مش عشان انت زهقان ومش عاوز تذاكر يبقى عندك ADHD وخاصة أن كان في تقريبا قبلها إجازة ف عادي انك بتاخد فترة على م ترجع لنشاطك الاول انا برده معنديش اي مانع أنه يكشف أو ياخد علاج ولا الحوارات دي كلها الفكرة أنه اقنع امي أن مريم مش بتركز في اللي بيتشرح أو وهي بتذاكر عشان كده اكيد جابت درجة وحشة وفعلا فضلو يزنو على اختي اكتر من شهر عشان تروح ولما زهقت قالت ماشي على أساس كلمه وخلاص هما م صدقو ويلا هنروح للدكتور ونحجز ونشوف دكتور معرفش مين والحوارات دي كأنها بين الحياة والموت وطبعا هما يهمهم التركيز بس ميهمهمش صحتها النفسية خالص انا اقسم بالله بنام جنبها كتير اغلب نومها عماله تنتفض وهي نايمه كإن في حد كل شويه بيخضها وانا حرفيا مفيش بايدي حاجة اعملها انا واختي فريق واخويا وامي وابويا فريق تاني ديما ضدنا المهم راحت للدكتور وطبعا قالها عندك ADHD زي اي حد يعني واداها علاج للتركيز عشان تركز اكتر وليه مواعيد معينه وكده الدوا ده بقى ايه الدوا ده مدرج يعني زي المخدرات كده وعشان نجيبه بيبقى بيان من الدكتور أن الحالة محتاجة الدوا ده وبيقى في حاجة حكومية كده بتاعنا بتبقى شبه ورقة شهادة الميلاد وكده ولازم نجيبه من صيدلية معينه تبع الحكومه اسمها الإسعاف طيب هتاخده قد ايه هتاخده طول عمرها في الدراسة وفي الاجازة تبطله ليه مش فاهمه انا عارفة أنه يفهم في الطب النفسي اكتر مني بس لو انت شايف الحالة كده متاخدش جلسات أو اي حاجة ليه ليه تمشي على دوا طول عمرها وكل مرة تروح فيها يزودلها تركيز العلاج لحد م يوصل للتركيز اللي يناسبها وتستمر عليه بقى طبعا دلوقتي انت بتقول البت متخلفة أو مش بتعرف تكتب اسمها حتى بس والله اختي اذكى مني مليون مرة والله اذكى مني بكتير جدا وهي محتاجة تحب المادة والمدرس عشان تذاكرها مش محتاجة دكتور نفسي ولا علاج غالي طول العمر وطبعا لو نسيت تاخد حباية في يوم امي طبعا مش بتسكت هو انتي عارفة الحباية بكام ولا هو احنا بنرمي فلوسنا على الأرض والحوارات دي وزاد كمان اختبار الذكاء اللي الدكتور طلبه وطلع عندها ٤سنين ونص وهي بتحكيلي على الاسئلة اللي اسالتها انا والله كان في حاجات كتير مش فاهماها ومعرفهاش وطبعا نتيجة الاختبار قلة ثقتها بنفسها اكتر والدكتور في نفس السيشن اللي بيقولها فيها نتيجة الاختبار متفرقش معاكي وهي بتبقى قليلة في اغلب الناس عادي يومها زودلها دوا غير اللي بتاخده واللي بتاخده يعلي تركيزه الباقي كومنت انا اسفة