انا في مصيبه ومش عارفه اعمل ايه اخويا الصغير عنده ١١ سنه حساه بيبص على جسمي في مواقف كتير حصلت ودماغي هينفجر من التفكير ، اسفه لو في حاجات مش لطيفه هكتبها لكن مش قدامي حد تاني انا مكسوفه من اللي حكتبه أصلا الموضوع حساه جه بالتدريج في موقف وهو ٥ سنين تقريباً انا في الوقت ده كنت بكبر فطبيعي في حاجات مكنتش موجوده في جسمي هتبدأ تظهر وكبنت طبيعي يبدأ يظهر صد.ر فالموقف اللي يتكلم عنه قالي انتي بنت حلوه وعارفه عندك ايه كمان صد.ر بس قالها باللفظ اللي أوله (ب) انا انصدمت وقلت لماما خدت الموضوع بهزار وقالت كان شايفك قدامه مفيش حاجه وفجأه بقا في حاجات وهو لاحظ ومعملتش اي حاجه ابداً ، موقف تاني وهو صغير اوي بردو كان ماسك عروسه لعبه وفاتح رجليها وبيلمسا بصابعه معرفش طفل في السن ده دماغه جابته لكدا ازاي ، موقف تالت وهو ٩ سنين كان جايب فيديو يوتيوب كارتون بيحبه بس صورة الفيديو كانت لشخصيه بنت جيبتها مرفوعه وولد بيبص تحت انا انفعلت ومسكتش وقلت لماما بس معملتش حاجه انا أخدت منه الموبايل بس ولا أكن حاجه حصلت ، موقف رابع دخلت الاوضه عليه لقيته ماسك الاندر بتاعي وبيبصله جامد ولما دخلت اتخض وعمل نفسه بيطبق وفي اليوم ده مقولتلوش اي حاجه لاني مكنش عارفه اتصرف ازاي بس عاملته بتجاهل وأسلوب مش كويس وهو كان عارف انا بعمل كدا ليه ورايح جاي ورايا بيقول انتي بتعامليني كدا ليه انا كنت بطبق وماما كالعاده مفيش أدنى رد فعل وشايفه أنه طفل مهما يكون ومره كان ماسك الموبايل وفي فيديوهات اليوتيوب صورة الفيديو مش كويسه صورة من الصور دي لست من الاخر مش لابسه بنطلون وهو شافها وانا بزعق عشان صور تانيه لفيديوهات ، وفي فيديوهات قصص رعب انميشن بيسمعها الشخصيات البنات الرسام الله ينتقم منه بيطلع البنات صدرهم كله ظاهر وهو بيسمع القصص دي مش عشان البنات لكن في الاول والاخر بيشوف المناظر دي وموقف تاني اسفه في اللفظ كان مصور عضوه وحاطط عليه منديل قبل كدا وماما شافت الصورة بس ولا اي رد فعل ، بحسها مش عارفه يعني ايه تربيه لا بتزرع لا قيم ولا اخلاق ولا دين التربيه عندهم اكل وشرب ومسكن ،كل المواقف دي وهو ٩ سنين او ١٠ ، وماما بتلبس ملابس مش الطف حاجه قدامه يعني في الصيف هدوم مبينه حاجات مش لازم تبان ولما اقولها حرام وفي حدود للعورة وانك مينفعش تطلعي كدا قدام ابنك تقولي يا مريضه اخوكي عمره ما هيبصلي مع أنها بتبين حاجات انا كبنت اتكسف ابصلها تعبت كلام معاها وهي دائما تقول اخوكي مش هيبص عليا ولا عليكي ده لو شافك عريانه يغطيكي ، دلوقتي وانا واقفه بكلمه مثلاً بحس عينه بتنزل على مناطق في جسمي كذا مره بحسه بيبص على صدري أو مناطق تانيه انا هموت من القهر والصدمه انا بحبه اوي وبعامله بحنيه وبهزر معاه وهو بيحبني بردو حب اخوي بس انا مرعوبه بجد وطول الوقت بحاول استر جسمي قدامه حاولت كذا مره اتجاهله ومتعاملش معاه لكن اخويا اكيد بحبه وبرجع اتعامل بس قررت اني اتعامل معاه قليل ومهزر ولا العب معاه واتاجلهو