منذ 23 ساعاتيشعر بـ مُرهق
لسا مخلصة احدى محاولاتي البائسة اني افهم امي اني بعاني بسبب الاكتئاب والقلق الي عندي وكالعادة هترجع تتعامل كاني زي الفل وتلومني اني ساعات بحس بثقل اني اعمل شغل البيت واني عاق وتدعي عليا رغم حبي الشديد ليها وان دا غصب عني مهما احاول افهمها اني باخد اعلى جرعة من علاج الاكتئاب معنى كدا اني بعاني المرار والله يا أمي تقولي ماتقنعيش نفسك بكدا هو انتي ضعيفة يالاهواااي مش عايزة الطم عشان حرام والله ياماما
كلمى اى حد قريب لمامتك سواء فالعيلة أو صاحبة واشرحى حالتك ليهم وهما يكونوا سبب فى إن ماما تقتنع بإذن الله جربى كل المحاولات الممكنة لإقناع ماما حتى لو هتمثلى حتى لو هتحجزى عند دكتور فجأة وتروحوا إنتى وهى اعملى اى حاجة واوعى تسيبى نفسك 🥹
بجد كبري دماغك انتي فيكي اللي مكفيكي مش محتاجه ضغط منها كمان قولي ماشي وحاضر الموضوع صعب بس شويه وهتتعودي وهترتاحي ن الكلام دا وجربي يستي اقعدي اشكيلها همك لو حاجه ينفع تتحكي يمكن تفيدك
فعلا الكبار مش بيقتنعوا بالاكتئاب وشايفين انه دلع لو ليكي اخت كبيره خليها تتكلم معاها يمكن تقتنع
الناس الكبيره صعب يفهموا موضوع الاكتئاب معلش تعاملي ع الاساس ده ربنا يصلح حالك ويهديها عليكي