بصوا يا جماعه انا كسوله جدا لاقصي درجة في مذاكرة في تنضيف بيت في الطبيخ اي نشاط كسوله جدا واي معلومات حياتية زي الميكب النضافه الشخصية سكين كير روتين طبعا مش معايا فلوس معنديش خبرة في حاجات كتير .... بكسل أصلي بكسل اقرأ قرآن مع ان وقت كتير فاضي معرفش يعني اي مسئولية هوائية حتي في افكاري مش عارفه انا عايزة اي كل حاجة وعكسها عايزة استقر وعندي طموح واتعلم وكدا حاجات كتير وفي ذات الوقت انا في مكاني ، كل مرة باخد شاور بقرر اني هكون انسانه تانية واروق اوضتي اتحمس لحظيا وفي الاخر معملش اي حاجة خالص ، طبعا اعتمادية بحت .. مش عارفه ابقي زي أمي ديما بضري كف ع كف بجلد نفسي طول الوقت ومش عارفة اتقدم خطوة ... كله شايفني بوق وخلاص... وانا زهقت من نفسي ومن حياتي وديما حاسه اني هكون ام فاشلة مهمله في بيتها مش عارفه اربي عيالي مش مستحمله عيال حد مش طايقه نفسي ، معنديش ثقه في نفسي.... عايزة الحاجة وافرح زي البنات وف ذات الوقت جوايا سنه حزن اني مش عايزة كدا بفقد تركيزي .. مش عارفه اعيش اللحظة مش عارفه اتصور مش عارفه استمتع بحياتي، حاسه بزهق وملل.... انا بجد مش عارفه مالي مبقتش فاهمه حاجة ... وانا الحاجة وعكسها الصفه الحلوة والوحشه في ذات الوقت ... انا حزينة جدا ع نفسي ومبقتش قادرة اعيط هموت واعيط ومش قادرة عايزة انهار ومش عارفه بجد ، انا بجد عايزة حل بجد والمرادي بجد عايزة حد يفهمني يفوقني حد يساعدني يقولي اعمل اي يكون فعلا فاهمني وعايز يساعد في الصح ويقولي ان دا طبيعي مع ان انا حاسه ان دا مش طبيعي .....
وحاولى تصاحبي ناس عندهم امل وشغف واشغلى وقتك معاهم يعني مثلا لو هتتعملى لغه شوفى ناس بتتعلم وانضمى ليهم واتعلمو مع بعض هيشجعوكى كويس اوى
بجد لا في يوم وي ليله كل حاجه بتتغير بجد وي متقوليش علي نفسك كدا دا شيطان بيوسوسك
اول ما تبدأ تتعلمى حاجه او تشغلى وقتك بى حاجه إيجابية هتلاقى حياتك ونفسيتك بتتحسن واحده واحده وخلى السوشيال ميديا عندك تكون عن الناس الإيجابية وملحوظه متبصيش ليهم أنهم سابقينك حتى لو هما فى نفس سنك عشان هما ممكن يكونوا بداو من سنين عشان يوصلو لل هما فيه أو كانت ظروفهم تسمح بى كده وخلى فى دماغك دايما أن السوشيال ميديا الناس بتظهر الحاجات الحلوه والكويسه فى حياته ومش معنى كده أن حياتهم وردى يعني محدش يعرف المشاكل ورا الشاشه بتكون عامله ازاي وكده كده الدنيا مش عادلة ومش بتخلى من المشاكل الشاطر هو ال يتعلم منها ويقوى نفسه وبالتوفيق ولو محتاجه حاجه كلمينى اساعدك
جربي تبحثي عن التسويف و حله و ابعدي عن الموبايل حبه خليكي إيجابية مع نفسك واحده واحده و اكتبي كل حاجه في اسكتش و كل حاجه وحلها و الحل يكون في مقدرتك انتي
وبعدين ورق وقلم واعملى لنفسك حاجه تشربيها واقعدى اكتبى انتى عايزة تحققى اى وافضلى تقرئي الكلام ال فى الورقة واعملى خطه لنفسك مثلا انا هبدا اظبط نومى واصحى اصلى الفجر اكل سندويتش وابدا اتعلم انجليزي ده كمثال يعني
ابدائي بي شاور ساقع وصلى ركعتين لله وادعى بى صلاح الحال وبعد الصلاة ادعى بى كل ال نفسك فية وال نفسك تعمليه فى حياتك
اشغلى وقتك دايما ومتسبيش نفسك للكسل والتفكير
انتى من الاخر محتاجه للى يكون جنبك ومعاكى ويتابع معاكى يومك ويسمعك ويديكى الدفعه لكل حاجه ده اكتر حاجه امنى محتاجاها
انتي مهمه ف حق نفسك ومقصره اوي بصراحه
نفسي تبعدي عن الموبااايل السبب الاساسي للكسل بكسلل كتير اوقات بسببه وكمان لازم تحللي وتاخد فايتمين انا باخد فايتمين د اكيد ناقص عندك ماغنسيوم كمان