مؤخرا دخلت الجامعه... اول سنه ليا... و الحقيقه اني دخلت قسم مرهق دراسيا و اجتماعيا... الكونتنت الي بندرسه كبير جدا و بيكون في شغل لازم نشتغل ك تيم... ف غصب عنك بتتفاعل مع الناس... و رغم ان الموضوع كان صعب بالنسبه ليا.. اتعرفت علي بنت معايا ف القسم... ف البدايه كانت بتهون عليا تعبي... بس انا كنت بتعالج نفسيا ف فتره و بقيت كويسه الحمدلله.... اكتشفت انها كمان كانت كده و حبينا بعض لانه حسينا اننا شبه بعض جدا.... بس بقي التواجد معاها مرهق.. لانها شايفه ان الامور كلها بتدور حواليها.. زعلها هي المهم...و انها اكتر حد بيعاني و اكتر حد بيضحي عشان غيره وجعتني اوي جمله سمعتها منها مره شافتني و انا كنت بجرح نفسي بمشرط عشان كنت بنفس عن مشاعري قالتلي "انا عملت اي ف حياتي عشان ربنا يرزقني ب ناس كده.. و انا عمت فيكو اي عشان استاهل كده" الحقيقه اني كنت بطلت موضوع اني اجرح نفسي و رجعت له بسببها لانها بتحطني تحت ضغط كبير من... انها بتشتكي من كل حاجة.. بس اهلها بيهتمو بيها و بتروح ل ثيرابست.. و بتخرج مع صحابها بينما انا العكس.. اهلي مش مهتمين اوي بيا.(ده عادي جدا بما اني كبيره حاليا) و مش معايا فلوس كفايه اني اروح ل ثيرابست و مليش صحاب و الفكره اني حاسه اني عاوزه ابعد عنها بس مش متأكده من احساسي ده و خايفه.. انها تنتحر او اي حاجه لانها بتاخد اي موقف وحش بصوره شخصيه