مساء الخير انا قعدت طول عمري بحاول ان يكون عندي صديق مقرب ليا وحد الجئ له بس للأسف خدت فترة كبيرة استهلكت جدا فيها بسبب إني حاولت وفشلت ولسه زي ما انا وحيد ، حاولت أتجهه لفكره ارتبط ، اكتشفت إني بكون الطرف الأكثر حماس واحاول أحافظ عليها بأي شكل لحد ما كرهت نفسي وبطلت أحاول أعرف بشر ، حاولت أسافر برا ونجحت بده بس للأسف مقعدتش كتير ، طلعت ع أوفر شغل لقيت حاجة تانيه وبهدله وحرب والسكن الي جنبي وقع عليه صاروخ ، فا قررت ارجع مصر تاني ، ومن ساعتها حاسس إني فشلت في حياتي مش عارف ابدأ ازاي تاني ، مش عارف أتخلص من الوحده ولا عارف أنجح في حياتي مش عارف بكتب ليه ده كله بس أنا قصتي كبيرة جدا وده اختصارها بس نفسي مره في حياتي أقعد مع حد يسمع مني بشغف واهتمام ، حد حابب يكلمني مش زي الثيرابي بدفع عشان اتسمع او مش بوصل للمرحله دي واتكلم براحتي مع حد ، فا انا حقيقي تعبان جدا بس بقاوح وبتظاهر اني كويس
هون علي نفسك ربنا كتبلك الخير في اللي جاي و بالنسبة انك في الارتباط الطرف الاكتر حماسة دا غلط ادي علي قد ما تاخد لان هيجي عليك فتره وزمش هتعرف تدي و هتظلم بنت معاك ممكن تكون شريكة حياتك
مش عارفه ليه لما قريت كلامك افتكرت الآية الكريمه "لا يكلف الله نفساً إلا وسعها" ربنا مابيبتليش حد إلا علي قدر طاقتها وتحملها وواضح انك مريت بكتير وعلي فكره انت مفشلتش انت لسه بتسعي وطبيعي في السعي بتمر بمحاولات فاشله كتيره لحد متوصل لمحاوله ناجحه ومش اقصد اقولك كلام تنميه بشريه بس ده الواقع محدش بينجح من اول مره لازم يكون فيه محاولات فشل قبلها اما كونك ملقتش الشخص اللي يكون رفيق درب او شريكه حياه صالحه صعب تلاقي حد فعلا يشبهك بالزمن ده ويؤتمن انك تحكيله ويمكن لسه برضو رزقك مجاش انك تقابله تفائل بالخير إن شاء الله تلاقي الشخص اللي يناسبك ويستاهلك
بص أنا حاولت اصاحب حد من سبع سنوات وكان غالي عندي جامد جدا لكن وجدت إن هو مش بيعاملني نفس المعاملة، فمن يومها خلصت طب واتخرجت وعلاقتي الاجتماعية واسعة جداً لكن في حدود الدراسة والاحترام المتبادل وفقط علشان كثرة العطاء بتولد الطمع 😁😁🥷