انا انسان فاشل في حياتي والحقيقة مش عارف انا اتولدت ليه ولا بعمل ايه في الحياه دي واللى زيي موجود ليه اصلا وهو مش قادر يفيد نفسه ولا غيره مبدأيا كدا انا مبفهمش الناس ومش بعرف اتعامل معاهم كويس ودايما بشوف نظرة عدم ارتياح في عيون اللى بتعامل معاهم من ناحيتي مش عارف ابقي شاطر في شغلي ولا افيد نفسي ولا افيد غيري ولا احقق لنفسي هدف ولا عندي هدف اصلا ولا بفكر حتي في حاجة بضيع وقتي بطريقة غريبة ومش حاسب لعمري حساب ولا حتي براعي ان المفروض استغل وقتي افضل من كدا مبعرفش اتعامل مع بنات ولا عارف ارتبط ولا بعرف اتكلم كويس معاهم مبعرفش اعبر عن نفسي ولا عندي حسن تصرف في المواقف ولا كلامي بيبقي مفهوم معظم الوقت شخصيتي غريبة جدا وكل ساعة بحال افكاري سلبية جدا عن نفسي وحاسس لو كان عندي عدو مكانش هيبقي قاسي عليا زي ما انا قاسي على نفسي فكرت في الانتحار كذا مرة بس محستش ان انا ضعيف للدرجة دي او انا جبان مش عارف حتي اخد الخطوة دي مبفكرش كويس ولا بوزن الامور صح ولا بعرف اخد قرار مظبوط ومش بفهم الموقف ومعني الكلام اللى بيتقالي الا بعدها بعد ما كون حضرتها وزهني مش حاضر ولا واخد بالي من صحتي بنسي بسرعة ودا بيخليني مش شاطر كويس ولا بتعامل مع الناس صح حاسس بيأس وفقدان امل رهيب وعايش لمجرد ان انا موجود وحاسس نفسي لو حد بيقلي ان انا كويس فبسبب ان انا مش عارف ابقي وحش مش علشان انا كويس بجد كل دا واكتر منه بكتير في دماغي ولا عارف اسيطر على تفكيري واوقات كتير مبعرفش انام بسبب دا حاسس النصيحة صعبة في حالتي جدا بس حقيقي محبط جدا ومش حاسس ان اي حاجة في حياتي ممكن تتغير للاحسن
خلي عندك ثقه ف نفسك اكتر حب نفسك اكتر قرب من ربنا اكتر و من اللى حواليك خلي هدفك انك تثبت لنفسك انك قادر تعيش مبسوط وسط كل اللى حواليك دا
لا ولا اي ازعاج ربنا يوفقك ويارب الفتره تعدي وترجع احسن من الاول
بالعكس من كلامك محستش انك زي م انت بتقول طالما انت عارف ان فيه مشكله يبقي انت م فاشل اكتب كل مشكله لوحدها وحاول كل يوم تعدل جزء صغييير جدا من يومك مشكله التواصل مثلا حاول تحلها ب انك تكلم اشخاص مجهولين وتحاول تعبر عن نفسك والي بتفكر فيه و ف الوقت اللي بيضيع حاول ترتب يومك تشوف انت بتعمل اي واي اللي بيضيع وقتك وحاول مثلا تقلل من الوقت اللي بيضيع ربع ساعة ولا نص ساعه كل يوم م لازم تبقي مثالي ومتفكرش ف نظره الناس ليك لان حتي معظم الناس كانو بيشوفو العباقره اللي غيرو العالم فشله ومجانين متحبطش طالما انت عارف ان فيه مشكله ف هتلاقي الحل هي مسأله وقت وصبر وانت قدها ان شاء الله
جرب تسيب كل دا علي جنب وتختلي بنفسك فتره حلوه تعمل فيها اقرب ما يكون ليك يعني حاول بجد حاول بإستماته متقفش ومتيأسش صلي أقرأ قران احفظ لو مش حافظ حاول تروح المسجد تقعد فيه فترات طويله هتلاقي الناس اللي تقربك فعلاً وتقويك وتساندك حاول تلغي اي حاجه مضيقاك من حياتك الخوف إللغيه الناس إلغيهم البنات و العلاقات والانتحار إلغي كل دا مش هتعرف تحقق فيهم حاجه طول ما نفسك مش معاك ابدأ بأبسط حاجه انت شايفها وحاول مره واتنين وعشره وانا معاك لو احتاجت اي حاجه لو حابب تتكلم لو لأ ابعت هنا وهرد عليك علطول متأيسش الدنيا مش بتحب الضعيف استقوي عليها كدا وخليك قوي كلما بنمر بفترات ضعف كتير جداً لكن اهم حاجه نعدي الفتره دي ونقوم ونكمل الدنيا تاني مش هتقف علي موقف ولا علي شخص كل بيعدي يابني
انت نفس حيرتك دي وضيف عليهم اني عندي رهاب اجتماعي
انا عندي نفس المشكلة وعندي افكار سوداوية وعلطلول بفكر انتحر وحاسس اني هعملها
انت اتخلقت للعباده ده رقم واحد، رقم اتنين لازم نظرتك عن نفسك تتغير الأول عشان تبتدي تغير نظرتك عن العالم لو عايز تتكلم انا سامعك
ربنا سبحاته قال "أم حسبتم انا خلقناكم عبثا.." يعني كل واحد مخلوق يبقى اكيد ليه فايدة