الانسان بقي هادئ جدا الفتره دي بجد ، مش حاسه باي حاجه حرفيا بس مهون عليا شويه وحدتي اني بدات اقرب شويه من اهلي و بدعي أن ربنا يقويني و يثبتني ، و بدأت احاول افهم نفسي و مشاعري اكتر ، عرفت أن اللي انا فيه ده و دي حاجه بحسها من زمان اوي كنت ديما اقول أنا في احاسيس نفسي أحسها ومش عارفه خالص كنت اقول في حاجه ميته جوايا و في مشاعر كتير مش قادره احس بيها ، عرفت النهارده أن ده تبلد ، الشخص بيكون نفسه يحس بالمشاعر دي بس مش عارف كأنه بيتفرج عليها من بعيد ، جات عليا اوقات كنت بحس من كتر الوجع اللي في قلبي أن روحي بتطلع و اوقات كنت بحس قلبي بينزف و دخلت في حاله اكتئاب شديده من دون طبعا معرفه حد باللي بيحصل جوايا ، وجعي و الماضي كنت كل لما اتكلم عنه ابدا اعيط اول لما افتكر و لسه برضو كنت مفكره اني تخطيت وان الموضوع و الماضي م بقاش فارق بس بجد أنا م تخطيتش اي حاجه خالص ، مش هلوم اهلي لاني بدأت انظر للموضوع من ناحيه تانيه ، أن ازاي عايزه حاجه معينه من شخص هو اصلا مش متعود عليها ولا عارف يديها ازاي ، و خلاص اهلي هما اهلي ف لاازم أنا اللي احاول اتخطي علشان شوفت بعيني ازاي أن الشخص لما يفضل عايش في الماضي بيخرب حياته كلها بايده و علفكره بيكون غصب عنه بس هو مش مدرك ده .