أنا كتبت كتابي الأسبوع اللي فات، ومن ساعتها وأنا مخنوق وزعلان على نفسي جدا. حياتي حاسس إنها اتدمرت بعد كفاح 4 سنين شغل ودراسة عشان أختار صح، وفي الآخر أكتشف إني ضحيت عشان اختيار غلط تماما. الموضوع بدأ من أولى صيدلة، كنت في سكن جامعي بعيد عن بيتنا، واتعرفت على زميلة ليا وبقت بينا علاقة حب وشاتات وخروجات. الموضوع اتطور وحصل بينا تجاوز اني اروح ليها السكن لانها كانت ساكنه سكن خارجي في عمارة اهالي اول مرة تلامس خارجي ولااسف تاني مرة تلامس خارجي واتعورت لانه من الافرازات اتزحلق و لااسف مبقتش بنت وقتها خفنا جدا، ووعدتها إني مش هسيبها وهتجوزها. عشان أحافظ عليها وم نغلطش تاني جت الاجزه وبنتكلم عادي ونجحت واخلي اقترحوا ان ابقي جنب ألبيت واحول للكلية القريبه ووافقت منها اشتغل عشان اخطبها ومنخا ابعد عنها بحيث ميحصلش تجاوز تاني ونحافظ عليها لحد الجواز المهم وافقت أهلي إني أحول ل جنب بيتنا. فضلت على وعدي معاها رغم إن علاقتنا بقت صعبة ومليانة خناقات بسبب تصرفاتها، وتأخيرها برا، وصحابها اللي مش كويسين. لما وصلنا سنة خامسة، روحت اتقدمت رسمي وأهلها وافقوا وقرينا الفاتحة. الصدمة الكبيرة كانت يوم الفاتحة بعد ما أهلي مشيوا؛ تليفونها رن ومارضيتش ترد، وجاتلها رسايل واتساب ومسحت المحادثة قدامي. لما شكيت وطلبت التليفون رفضت، والموضوع كبر لدرجة إن أمها كسرته. أخدت التليفون لأني كنت أنا اللي مشتريه، وصلحته بالليل، وقدرت أفتحه بعد ما أخدت الباسورد من أختها. لما فتحت الواتساب، اكتشفت الكارثة. لقيت إنها على علاقة كاملة مع واحد تاني، وخروجات، وعلاقات في عربية وفي بيته، وكمان كانت واخدة حبوب إجهاض. واجهتها تاني يوم، اعترفت وقالت إنه كان بيستغلها ويضربها، وبيجبرها على كدة، وإنها مش عايزاه وعايزاني أنا. بسبب خوفي من الفضيحة ومراعاة للي حصل بينا زمان، اتفقت معاها إننا نكمل ونتجوز، وبعد سنة أطلقها. كملنا الخطوبة وكتبنا الكتاب من أسبوع والفرح في نص 7، وهي بتحاول ترضيني بكل الطرق، بس أنا مبقتش طايقها ولا بحبها، وحاسس بكرة شديد ناحيتها لأنها ماحافظتش عليا ولا على نفسها. أنا دلوقتي في دوامة ومحدش يعرف عن الموضوع ده حاجة خالص: مخنوق وتعبان جدا ومش عارف أعمل إيه. مش عايز أفضحها، وفي نفس الوقت مش عايزها في حياتي. خايف بعد ما نتجوز ونطلق بعد سنة، ملقيش بنت الحلال اللي تصونني وتفهمني. قلقان من نظرة المجتمع للشاب المطلق. دماغي هتتفرتك من التفكير ومش عارف أتصرف إزاي.