في حاجة بتحصل للي بيمروا باكتئاب شديد أو صدمات نفسية ومحدش بيتكلم عنها كتير وهي إن الذاكرة بتبدأ تقـ ـع مننا. الناس اللي حوالينا بيبقوا فاكرين إننا سرحانين أو مُهملين ومش مركزين في كلامهم بس الحقيقة إن الموضوع مالوش أي علاقة بالإهتمام.. لما بنتحط في ضغط نفسي فوق طاقتنا جسمنا ومخنا بيعلنوا حالة الطوارئ وكُل طاقتهم بتتوجه لهدف واحد بس، إننا نفضل عايشين ونعدي اليوم بأي شكل. في الحالة دي المخ بيعتبر إن تخزين الذكريات وتفاصيل اليوم دي رفاهية هو مش قدها دلوقتي، فبتلاقي نفسك ناسي مواقف وأسماء وحتى فترات كاملة من حياتك ممسوحة. أنت مكنتش مقصر .. أنت كُنت في ((وضع نجاة)) التعافي الحقيقي مش بس إننا نتحسن لكن إننا نبدأ نجمع حتت من نفسنا تاهت مننا في الزحمة ونطمن نفسنا إن النسيان ده كان مجرد وسيلة من مخنا عشان يحمينا وقت مكانش فينا حيل نستحمل أكتر من كده.
انا فاهم كل دا وبتعامل زي ماانت قايل بس بتعامل وانا مش فايق بتعامل لمجرد اليوم يخلص
بص هوا طبعا فضل ربنا علينا كبير اووي وعليا كبير اوي وسترو عليا جميل لابعد الحدود لان من غير الستر بتاعو انا مكنتش عارف هبقي نفس الشخص دا ولا لا بس انا اتعرضت لصدمتين في حياتي وحياتي واقفه عندهم ولما المشاكل تحصل بحاول افصل نفسي عن الواقع لاني بقلق جدا في المواقف دي
بحس ان مفيش حلول
طيب نعملها ازاي 🙂🥺