أنا بمر بفترة صعبة جدًا في حياتي الزوجية ومش عارف أتكلم ولا أشتكي لمين بقيت حاسس إني مضغوط نفسيًا فوق طاقتي وإن البيت اللي المفروض يكون راحتي بقى مصدر تعب وخنقة أنا عارف إن مراتي كمان عندها وجعها وضغطها خصوصًا بسبب موضوع الإنجاب وده شيء مش سهل على أي ست ولا على أي بيت بس في نفس الوقت أنا إنسان وليّا طاقة ومش قادر أتحمل الأسلوب اللي بقى بينا ولا الإحساس المستمر إني متهم أو مقصر أو لازم أستحمل كل حاجة لوحدي أنا مش بكرهها ومش بتكلم عشان أظلمها بس بجد تعبت تعبت من السكوت من الضغط من إني أبقى محتاج حد يسمعني من غير ما يحكم عليا ساعات الراجل بيبقى مكسور من جوه بس بيخاف يتكلم عشان الناس تقول له استحمل أنا محتاج احتواء محتاج حد يفهم إن الألم مش طرف واحد وإن مشاكل الإنجاب بتوجع الاتنين بس مش معنى كده إن حياتنا تتحول لعذاب يومي أنا بس محتاج أرتاح شوية وأحس إن وجعي متشاف
ربنا يهون عليكم ويجبر قلوبكم، تأخر الإنجاب ابتلاء صعب على الزوج والزوجة، وربنا وحده يعلم وجع كل واحد فيكم. أتمنى تفضلوا سند لبعض بدل ما الوجع يفرق بينكم، وربنا يرزقكم الذرية الصالحة في الوقت اللي يكتبه ليكم