طيب والله مكسوفة اني بكتب كده بس ده المكان الوحيد اللي ممكن اشارك فيه ده ازاي يا جماعة افك التعلق بشخص عمري ما كلمته يادوب بس تلميحات لبعض ولما عرفت حقيقته بلكته وانا اهو عملاله بلوك بقالي اكتر من سبع شهور بس من السبه شهور دي لحد النهاردة بدخل الاكونت بتاعه كل يوم كل يوم حرفيًا اشوف نزل ايه وعمل ريبوست لايه وحط ستوري لايه وتابع مين وادخل الاكونت بتاعه في كل تطبيق لدرجة اني اول ما بصحى بكون لسه مصحتش اصلًا بدخل اشوف الاكونت بتاعه وأقوم بدخل الاكونت بتاعه كل دقيقة حرفيًا تعبت تعبت مش عارفة اذاكر من كتر ما انا ماسكة الموبايل بشوف الاكونت بتاعه مليش حد اقوله الكلام ده لاني بتكسف اقول لحد اني عندي مشاعر من النوع ده انا عندي ستاشر سنة بالله عليكم متستهيفوش المشكلة بسبب سني في الفترة دي بعد ما عدى سبع شهور على البلوك بدأ بقى يكلم بنات ويلمح تقريبًا لبنت تانيه وانا والله بغلي وعايزة اعيط مش عارفة ياريت اللي حس نفس احساسي يقولي شوية عادات اعملها افك التعلق الرهيبب ده انا ناوية اني اتغير وعايزة اعمل اي حاجة تخلي التعلق ده يتفك لما بشوفه في الحقيقة قلبي بيدق بيدق بيدق اوي لدرجة بيفضل نص ساعة على نفس الحالة ياريت حل انا عايزة حل عايزة عادات اعملها تخلي ده كله يروح انا منهكة
انتي مركزة معاه عشان لسة فيه جانب مجهول بالنسبالك في الشخص دة ف هتفضلي مبهورة بيه لانك لسة معرفتيهوش كويس صدقيني لو عرفتيه كويس و قربتوا من بعض هتكتشفي انه هيعمل حاجات كتير تخليكي تتقفلي منه و مش بعيد يتعلق بيكي و يقعد يقولك كلام حلو ف مرة او تكتشفي انه ريحته وحشة مثلا او انه بيخاف من حاجات ميتخافش منها ايا كان هتلاقي فيه مليون حاجة تخليكي تتريقي على نفسك انك كنتي مبهورة بيه المشكلة هنا لازم تبقي واعية ان انتي اللي حطيتيه في المكانة الغريبة دي بنفسك انتي محتاجة حاجة او حد تبقي مهووسة بيه عادي ملهاش علاقة بالشخص دة تحديدا تقدري تختاري الحاجة اللي بتبقي مهووسة بيها براحتك الخلاصة هو مفيهوش حاجة مميزة زي ما انتي متخيلة It's all in your head
مش عارفة اذاكر مش عارفة اعمل ايه حاجة غير اني ماسكة الموبايل بلف على اكونتاته بعمل كل حاجة في يومي بكلم اهلي وبهزر وبتبسط وبلعب وبخرج بس الموبايل في ايدي لازم اشيك عليه
تبدأ انك تقلل التعلق كل لما تحاول توصل ليه ده بيزيد تعلقك ممكن نعمل أننا اولا تقول مش هندخل علي اي حاجه تبعه وناخد خطوات أن شاء الله حتي نمسح الفيس والانستا اسبوع
انتي لو بطلتي تدخلي علي اكونت بتاعه هيروح من دماغك خالص حتي لو جه ف بالك بردو متدخليش الاكونت عن تجربه
اولا مش هنستهيفك بس اللي بتعمليه نابع فعلا عن سنك يمكن انا اكبر من بكام سنه قليلين بس مرينا بنفس اللي بتمري بيه ويمكن لحد دلوقتي بس متحكمين فترتك فتره مراهقه وطبيعي يحصل حاجه زي دي بس اللي انتي فيه ده جنون انجذاب من نوع يخوف الانجذاب ده اللي ف الاخر بيتقابل بطريق مسدود فقدنا الاحساس بمتعه العمر لمجرد اننا بنجاكي تصرفات سابقه سننا ونرجع نقول ليه مقضيناش حياتنا زي م احنا عايزين مفيش حد هيقدر يساعدك محدش عندوا فس احساسك انتي الجوهر فراغك العاطفي او مشاكلك اللي مخلياكي بطريقه معينه عاميه عن نقطه عقله قاصد انك متكونيش واخده بالك منها بصي الموضوع بعين الحكمه مش فطرتنا اننا نتكلم عن الحب والكلام ده ف الوقت ده دي مجرد مشاعر هتعدي الحب ف السر مش عيب ولا حرام بس لو بالجنون ده يبقي مرض فكري مع نفسك وانتي هتلاقي الحل بس اصدمي مخك خلاص مش خيبقي ليكي وحتي لو جالك انتي مش سن ولا مسؤوليه تخليكي انتي وشاب تكملي كام سنه وانتي لسه 16 وطالما بتذاكري يعني ثانوي 3 سنين و4 جامعه او اكتر مظنش ان فيه علاقه هتكمل 7 سنين فكري واجبري عقلك انه ينضج عشان تقدرؤ تستوعبي الكلام ده والموقف ده
اقلل وقت ايه
محدش بيقولي اعمل ايه ليه هو انا الوحيدة شكلي انا الوحيدة اللي بعاني من القرف
بقفله بس مش بقدر لازم افتحه ابص وأخرج مرض بجد