من غير كلام وحش انا عارفه اني غلطانه وندمانه ومش عارفه ابطل عياط انا بحب واحد روحي فيه والله كان حلم حياتي يبقى معايا قعدت فتره كبيره احبه من غير ما يعرف حبني واتفقنا نبقى صحاب وكلم اهلي وهيجي يخطبني كمان شهرين الاكس بتاعي من وانا في ثانوي قاطعين مع بعض من5سنين بنتكلم كل فتره كدا كا اخوات وفعلا علاقتنا مفيهاش اي حاجه تانيه كلمني من يومين وانا رديت بقالنا3ايام بنتكلم بس مش طول اليوم يعني النهارده كنا بنتكلم عن أن شكلنا اتغير فا بعتلي صورته وقالي عندي فضول اشوفك الصراحة بعتله صوره عاديه بس انا ضميري مأنبني اوي والله العظيم ندمانه انا بحب التاني اوي والله ما اقدر اعيش من غيره لحظه معرفش عملت كدا ليه الشيطان سيطر عليا ومش هينفع أقوله خالص لأن انا متأكده انه هيسبني وربنا سترني مش هفضح نفسي مع العلم أن الاكس ده مش امان خالص وخايفه اعمله بلوك أو كدا مش عارفه اعمل ايه والله ندمانه بطريقه هو ميستاهلش مني كدا
متظلميش الشخص اللي معاكي بجد وحتى لو فيه كلام عادي انتي مش هتقبلي لو حد تاني كلمه وهتتدايقي فحطي نفسك مكانه
بعد الشر عليكي طبعا يبقا الحل انك تعملي بلوك وطالما بعتي صورة عاديه مفيهاش اي حاجه يبقا خلاص انسي النقطه دي وكأنها محصلتش
اللي خلص خلص الشاب ده متكليمهوش تاني و تقطعي بيه لو هو بعت او كده مترديش و خلاص الموضوع انتهى ولو جه كلمك قوليله خلاص احنا موضوعنا انتهى من زمان و مش هينفع نتكلم تاني و القصة تخلص و بلاش تخشي في كلام معاه المشكلة انك تعمقتي زيادة اخر فترة و بعتي صورتك هو ممكن يفهم من ده انك لسه عايزاه و الكلام ده و نصيحة لاي حد بيقرأ كلامي بلاش علاقات من النوع ده احفظ نفسك و احفظي نفسك و علاقاتك تبقى في النطاق الشرعي بس بلاش صحوبية و الكلام ده عشان بيؤدي لمصايب في الاخر
طيب لو كان حصل العكس وهو اللي كلم الاكس بتاعته وانتي عرفتي رد فعلك هيكون ايه بأمانه
ليه تبقى مع حد وتروح وتدى مساحه لحد تانى فعلا الواحد مبقاش عارف يدى ثقة لحد