اكتشفت شيء جديد غير اني بكره الناس وخلاص قررت قرتر ان شاء الله مش راجعه فيه وهو اني مش هتكلم مع حد تاني ياريت لو حد مهتم يشوف الي كنت كاتباه وقايلة فيه مدى كرهي لنفسي وللبشر اكون شاكرة جدا ليكم بدل الكرف الي الكل بيكرفهولي المهم الي انا اكتشفته كمان اني لما بحب حد تقريبا ال ego الي عندي بيعلى او فيه حاجه بتحصل كان نفسي غيرانه والي هو ازاي وببدا اعمل تصرفات غريبة تبعد الي بحبهم عني وهي الي بتعمل مش انا انا متاكده هي كيادة ووحشة اقولكم الكبيرة هي اصلا بتوهمني بحجات مش موحوده زي انها تقولي ان الشخص ده بيكرهني وكده عشان اتعامل وحش فاكرين فيلم اسف على الازعاج لما كان احمد حلمي بيسمع الناس بيشتموه وهما بيحبوه عادي اهو ده نفس الي بيحصل ده غير انها كانت نفسها تقتلني لما حكيت عنها كتير لصحبتي وجاتلي نوبة قلق انا معتمدة اني بكتب مش بتكلم فهي مش هتعملي حاجه وكده كده انا عمري ما هتقابل معاكم فاشطا ولكن هو ايه ده هو انا مجنونة؟؟
في اشخاص كتير كدا بدرجات في اشخاص كتيره بتمر بده مش جنون! و ناس بتعافي منه ما اعرفش اسمه العلمى بس جزء من علاجه أو تحطيه ف ايدك ف تعاملك و الشخص الي هيحتوي الموقف الي انت فيه اه في ناس عادي بتقبل التعامل و احتواء المواقف وقتها مش هيبقي اسمه جنون اسمه عديت ب حاجه وحشه فيا و حد شاركني اعديها انا خفيت انا عاديه
إنتى مش مجنونة بدليل واعية بضعفك وبتعبرّى عنه بدون خوف انتى محتاجة حد يفهم الحرب اللى دايرة جواكى ويتعامل معاكى بالطريقة اللى تتمنيها العيب مش فيكى.. الناس محتاجة تفهم أبعاد تفكيرك وتستوعب اللى بيحصل وتتعامل معاه بطريقة تناسبك وتناسب شخصيتك اوعى تغيرى من نفسك علشان خاطر ترضى الناس الناس عمرها ماهتتفق على بنى ادم فـ خليكى على طبيعتك زى ما انتى، ومهما عقلك صورلك إنك مجنونة، ردى عليه فنفس اللحظة وقوليله الناس هى اللى مجنونة احمد حلمى مكنش مستنى من الناس تتغير.. احمد حلمى كان مستنى حد يفهمه ويعرف الأصوات اللى جواه 🕊️
في الاول كانت الناس كتير جدا معرفش اي الي حصل عامة اتمنى لو حد بيفهم وبيقرا ده يساعدني ازاي تقدر تعبر صح ، الناس تفهمك صح او حتى توصلهم حجات من غير ما تقولها مباشرة سعات بكون عايزة اصلح الي باظ بس محدش هيفهمني لو كتبت الهبل الي انا كاتباه ده وغالبا هيقولولي روحي اتعالجي