الموضوع بسيط و ان شاء الله ربنا يديكي راحة البال و سكينة النفس. اي حاجة او اي حد يضايقك اجري صلي و اشتكي لربك في سجدتك، انت كده كده متعرفيش تتحكمي في نفسك ولا هتعرفي تتحكمي في الناس اللي حواليك. تاني حاجة انت مضطرة تجمدي شوية و تنشفي في التعامل مع الناس لإن في الأغلب طيبتك و حسن نيتك هي اللي بتأدي للصدمات اللي انت بتمري بيها. و ربنا يكون في عونك

دا وقت العصبية ولا طول الوقت، في ادوية بسيطة جدا، اعتقد ممكن تساعدك

هو مش عيب تشتكي ده اولا وثانيا هو فعلا الزعل بيأثر علي الجهاز العصبي لما مش بنطلعه ونكتمه لازم نخرج الطاقه السلبيه مننا عشان نعرف يبقي عندنا قدره نستحمل تاني لكن هنقعد نملي نملي، مش هنعرف نكمل، لازم في تنفيس

واه دوري علي شريك لحياتك الحياه بتكون اسهل وفي حد حاسس بيكي ومعاكي في الوحش قبل الحلو كله بيهون الشريك هنا ممكن يكون اصدقاء أو اخوات أو حتي حد من الأهل وممكن مامتك أو بباكي

للاسف انا زيك هوني علي نفسك مفيش حاجه تستاهل تضيعي صحتك عليها وخليكي عارفه أن كل حاجه في الدنيا دي فترات مش دايما لحد اوقات هتلاقي الدنيا حلوه وكل حاجه تمام وأوقات هتلاقي كل حاجه مقفله بس مسيرها تتحل وتتيسر خليكي واثقه في ربنا وان شاء الله ربنا يهون عليكي وعلي قلبك انتي قويه وتستاهلي انك تحاولي عشان نفسك مش عشان حد

هو غالبًا المفروض تروحي تكشفي اهدي كده ماتخليش حاجة تأثر فيكِ وتزعلك مفيش حاجة تستاهل زعلك المهم صحتك ماتخليش كلمة من حد او موقف يزعلك كده عدي الموضوع عادي

محتاجة تفصلي شوية من البيئة اللي حواليكي