بيقولوا الوقت كفيل ينسي ويطفي أي وجع... بس معايا حصل العكس. الوقت مبقاش بيعدي، وكل دقيقة بتعدي كأنها بترجعني لنفس الذكريات، ونفس الإحساس، ونفس الوجع. مش وحشني شخص قد ما وحشني إحساسي وأنا معاه. الإحساس اللي كنت بحس فيه إن قلبي مطمن، وإن الدنيا أخف، وإن في حد وجوده كان بيغير شكل اليوم كله. الغريب إن الذكريات مبتبعدش... بالعكس، كل ما الوقت بيعدي، بحس إنها أوضح. وأصعب حاجة إنك تحاول تقنع قلبك إن الحكاية انتهت، وهو لسه عايش جوّا أول لحظة حب، ومستني حاجة عارف إنها مش هترجع.