منذ 2 أياميشعر بـ وحيد
بخاف من الوحدة لاني ما تعودتش اكون لوحدي واتعودت اني اشارك حياتي واخد اراء الي حواليا، خايفة أما اكون وحيدة ما يكونش في ذكريات ولا حاجة حلوة افتكرها بعدين... ولكن للأسف بدأت احس أن الوحدة هي الحل الاحسن دلوقتي وعلشان ما حسش بالوحدة بقيت أخلق عالم افتراضي في دماغي بعيش معاه وافصل خالص من اي مشاكل وتعب حواليا واروح اهون علي نفسي مع العالم دة ولكن للاسف برجع تاني للواقع ولكنه أصبح هو المنفذ الوحيد ليا حاليا
اسمعي محاضرات فقه الألم لدكتور عبدالرحمن ذاكر الهاشمي
انزلي تطوع في اي جمعية خيرية وجمعية رسالة بتعمل حاجات حلوة.. اعرفي ناس جديدة وساعدي الناس هتلاقي نفسك كويسه ومبسوطه.. اقرئي قرآن .. قربي اكتر من ربنا.. اذكري الله كثيرا.. كل دي حاجات هتفرق معاكي.. اهم حاجه تحافظي على نفسك وماتخليش احتياجك يتعوض بشكل غلط عشان هيضرك جدا ومش هيتعوض بردوا عشان ماحدش عطشان بيشرب مايه بملح
عشان طبيعي ماتكنيش لوحدك طول الوقت لازم يكون عندك صحاب حتى لو بتتقابلوا فى الاسبوع مره او بتتكلموا كل يومين.. لو ماعندكيش انزلي تطوع مثلا روحي دار تحفيظ انزلي جيم وهتصاحبي مع الوقت ناس كتير
عيشي فى الواقع صاحبي نفسك حاولي تفهميها وتحبيها زي ما هي الوحده مش دايمه بس الذكرى لم بتكون مع ناس مابقتش موجوده بتكون اصعب من ذكرى الوقت الى الانسان كان فيه لوحده.