يجدعان حصل معايا موقف كده عاوز احكيه أنا بروح الجيم لسة مبتدئ بقالي شهرين بس ، لسة على قدي يعني ، بعد ما خلصت جيم ، واحد صاحبي في الجيم بيتمرن معايا ، قالي تعالى نطلع في جنينة فوق هنقعد مع ناس صحابي كده ، قولتله ماشي ، طلعت معاه و صحابه دول أنا عارفهم يعني ، بص عشان تبقى واحد فكرة ، أنا اصلا مليش صحاب غير اتنين تلاتة و حياتي كلها في التمرين ، حتى الدروس بطلت انزلها عشان أنا كده كده في أولى ثانوي و اي مذاكرة هجيب بيها مجموع ،فانا ولا بعمل اي حاجة غير اني بروح المدرسة الحكومة بتاعتي و ارجع اروح الجيم ، ف طلعت معاه لقيت صحابه دول ، عيل ماسك فيب ، انت هتفهم من فيب دي انهم عيال سرسجية بقى و عريكة وكده ، ما الي يضحك انهم ولا ليهم في السكة دي بجنيه ، نفسهم يبقو صيع بس مش عارفين ، أقل عيل لو نفخت فيه نفخة هيقع ، بس آخرهم يعاسكوا بت ( ولو جابتلهم راجل بيجرو) ، حتى الفيب الي كانت مع الواد ده واحد صاحبه جابهاله، المهم كان في واحد اعرفه في القعدة دي هو صاحبي يعني ة معاه قريبه ، قريبه ده هو الي معلمهم كلهم الحوارات دي ، الواد ده أنا مش بطيقه عشان آخر مرة شوفته اتعاركت معاه عشان كان بيصورني المهم بعد ما دخلت عليهم لقيت الواد ده جي و بيضحك و بيورني الفيديو الي أنا اتعاركت معاه عشانه ، شتمته و قولتله خليهولك ، بعدها كان بيقولي ايه الي انت لابسه ده قولتله انت مال امك و هو سكت طول القعدة و مفتحش بقه معايا يعني ، بعديها قعدت معاهم شوية لقيت الواد مطلع الفيب الي قولت عليها ، بعدها لقيتهم بيتكلمو على واحدة كانت معدية( بيتكلمو عليها بعد ما تمشي مش بيرازوها هي) قومت شاتم الواد الي قال كده و قالولي خلاص و مش عارف ايه بعدها عملو نفس الموضوع ف شتمته تاني و قولت مليش فيه ( ولما روحت انبت نفسي اني موقفتلهمش اكتر ) المهم وانا ماشي قولتلهم انتو قعدتكوا بت ##*# فعيل فيهم، عيل قصير مفيهوش نفخة و اقسم بالله ما كنت ناوي افتري عليه ،شتمني شتيمة بامي قومت شاتمه بامه ومسكت فايده كده، و روحتله قالي خلاص الله يسامحك فحسيت اني هفتري و وهيقولو عليها بفتري ، قومت ماددله ايده وقولتله متزعلش قام عاملي حركة مش تمام في أيدي قومت ضاربه على وشه ، قام مرة واحدة كله مسك فيا فردلي الضربة لسة هرجعله لقيت صاحبي الوحيد في القعدة دي الي عارفه بقالي تلات سنين قايم بيزق فيا و بيضربني ، أنا ساعتها سبت الواد القصير و سبت كل حاجة و قولت للناس خلاص و روحتله قولتله في ايه يا اسلام قالي انت بتفتري قولتله يعم اقسم بالله ما افتريت ، فقالي ايه يعم الي بتعمله ده ، قومت بصيت له للحظة ومشيت روحت مش فارق معايا حوار اسلام بس روحت البيت وانا متضايق اني نسيت اقول الواد امسح الفيديو ،و اني موقفتلهمش بعد ما اتكلمو ع البنات تاني