معرفس انا ليه هحكي هنا بس هحكي وخلاص يمكن عشان معنديش صحاب مش عارفه بس انا هقول الي ف دماغي وخلاص تقريبا هحكي قصه حياتي الي ملهاش لازمه محدش مهتم اصلا و كلام مش مترتب وملوش علاقه ببعض محدش يضيع وقته و يقرأ اصلا انا بجد تعبانه جدا ومش فاهمه مالي وليه مبعرفش افرح خالص مهما حصل وكل حاجه بتدايقني وبتتعبني وبحس بالذنب الموضوع بدأ لما كنت ف ٥ابتدائي ( من عشر سنين تقريبا او اكتر ) كنت طفله عاديه مرحه و بحب العب وفجأة حصل حاله وفاه ف البيت ( اخويا ) و هما نزلو من البيت بشوفو الموضوع و سابوني ف البيت لوحدي وانا عشان صغيره ف مقالوليش الي حصل بس انا كنت حاسه اني في حاجه غريبه وبعدين عرفت بأعبث طريقه ف الدنيا ( من ع الفيسبوك ) بجد والله و قفلت الاوضه علي نفسي وقعدت اعيط و اتصدمت ومكنتش فاهمه اصلا يعني ايه حد يبقا لسه معايا و يموت ويعتي ايه اصلا كنت فاكره الي بيموتو الكبار في السن بس وكانت حاجه اكبر من ان عقلي يستوعبها و بطريقه زي دي وانا كنت متعلقه بيه جدا وبحبه اوي الله يرحمه من ساعتها و البيت كله بقا مكتئب و الحياه كلها بقت كئيبه و كلنا تعبنا نفسيا لفتره كبيره وطبعا مكنش حد فاضيلي كله مع نفسه ف قضيت عمري كله ف البيت تقريبا مش بروح غير المدرسه اوقات الامتحانات ومبقاش عندي اي صحاب خالص ساعتها كان في مدرس عندنا ف المدرسه كان شاب يعني لما عرف الحوار قعد يواسيني و بتاع و كان بيهتم بيا ف انا طبعا طفله وكنت محتاجه اهتمام و اتعلقت بيه و بقيت اروح اتكلم معاه و بعدين ساب المدرسه بعدها بسنه باين المهم الي كانو صحابي ف المدرسه عرفو صحاب تانيين و بعدو عني معرفش السبب دا غير انهم علي طول بيقولو اني كئيبه عشان كنت بقعد اعيط ف الفسحه عشان زهقت من العياط ف البيت و كانو بيقولو اني اتنشن مش بنفس المصطلح يعني الي هو عايزه الناس تشوفها وخلاص وانا والله نا كدا ولا حد حاسس بيا اصلا بس دا الي حصل بعدها ف تانيه اعدادي جت بنت جديده المدرسه و اتكلمنا و كانت اقرب حد ليا وفضلنا صحاب لحد ثانوي مثلا بعدين دخلنا فروع مختلفه ف مبقيناش نتقابل غير ف درس واحد ف الاسبوع و هي اتعرفت علي ناس تانيه غيري و فأخر السنه سابتني و بقيت اكلمها بترد علي قد كلام وخلاص بعدين قولت مش هكلمها تاني مع انها دلوقتي معايا ف نفس الجامعة ونفس الكلية بس قسم مختلف وشوفتها كشا مره بس مسلمتش عليا حتي ف قولت براحتها خلاص هي لقت ناس تانيه بس انا مكنش عندي صحاب غيرها ودي تاني مره تحصل معايا من صحابي ف ابتدائي بعدين دخلت الجامعه اتعرفت علي ٢ ف اول يوم و قعدنا طول الاربع سنين صحاب بس ف سنه رابعه حصلت مشكله بيني وبينهم بسبب مشروع كان مطلوب مننا كنا تيم يعني و انا مكنتش موافقه علي الي عايزين يعملوه وهما اصلا فهمو فكرتي غلط ف واحده فيهم قعدت تزعق وتقول محنا مش هنمشي علي مزاجك و قعدت تقلل مني و روحت قعدت بعيد عنهم وعيطت عشان بجد انا ساعتها لساني وقف لان مكنتش متوقعه منها تقول كدا و كمان انا اتعصبت وكنت عايزه اضربها بس كتمت ف نفسي وقعدت اعيط قعدت تقولي انتي مبتعرفيش تعملي حاجه غير العياط و دي مكانزمات دفاع و عبط و معرفش ايه و قالت كلام زباله و بعدها جت قالتلي انا مكنش قصدي ومتزعليش انا بحبك ومعرفش ايه و جابتلي هديه و عديت الموضوع عشان بس نخلص ام الحوار و اتخرج وخلاص بس طبعا عمري ما هرجع زي الاول و فضلت معاهم جم ف نص الترم كدا اتعرفو علي ٤ بنات معانا و غالبا عملو جروب مع بعض و بقو يتكلمو فيه من غيري و انا بقعد معاهم مش فاهمه حاجه و لما بلاقي الموضوع كدا بمشي وخلاص يقومو باعتينلي هو انتي ليه مبتقعديش معانا؟ بجد والله؟ يعني ايه انا مش فاهمه اصلا انتو بتقولو ايه و بيلمحو لبعض بحجات قدامي غالبا قاصدين او مش قاصدين مش عارفه وانا مش عارفه اندمج مع الناس الجديده انا اصلا شخص انطوائي و مش بتعود ع الناس بسرعه ف معرفتش وهما كل قعدتهم بقت معاهم ف سكتت المهم خلاص انا بمتحن حاليا بشوفهم ف الامتحانات بس هكمل ف الكومنتات
ماتشيليش نفسك ذنب حاجه انتي مش السبب فيها، لو نشأتك وطفولتك كانت مختلفه واحسن من كدا حياتك دلوقتي كانت هاتبقي احسن اكيد، عامة طول ما انتي لسه عايشه يبقا لسه في احتمال ان حياتك ووضعك يتغيرو للأحسن فا متفقديش الامل
انا حاسس بيكي ودا لان قصتي شبه قصتك بس ادركتي نفسي بدري وعرفتي مشتكلي وسعيت ان احلها واتغير للاحسن اللي انت فيه دا محصلش في يوم وليلة لا دا ناتج مواقف وصدمات ومشاكل صعبة انت تعرضتلها وكل موقف كان بيعدي عليكي وكنت لااراديا بتهرب منه كان بيضعفك وبيكسرك اكتر الموضوع كبير مش سهل ومش كومنت او رساله هتوصفه .. بس كنصحية بسيطة وان شاء الله هتنفعك لما تمر بموقف صعب عايزة تعيطي اسالك نفسك ليه كدا وحاول تعرفي ليه انت بتلجئ للعياط دايما كمحاولة هروب من وجع المواجهة بس المرة الجاية حاولي متعيطيش ومتهربيش من اي موقف سواء مع عيلتك او صحابك تمالكي نفسك ولو لمدة دقيقة اضافية مع الوقت ومرة ف مرة هتغيري وحاولي تتصالحي مع نفسك انت مش ضعيفة و لان ال حصلك زمان كان غصب عنك ومش انت السبب فيه بس انت دلوقتي تملكي القرار انك تكون انسانة جديدة ومتستسلميش لماضيك وان شاء الله توصل ل انت عايزاه
والله مش ببقا عايزه ابان اني ضعيفه قدام حد بس غصب عني الدموع بتنزل لوحدها و مببقاش عارفه اتكلم او اتنفس حتي وبحس اني في عربيه بتمشي فوقي مخلياني مش عارفه اتنفي المهم انا تعبانه نفسيا وجسديا و عقليا وذهنيا و مش عارفه هعمل ايه ف حياتي وزهقت من الكتابه مش هكمل
حتي ماما كل الي همها الشقه تبقا نضيفه وخلاص و بتقولي شيلي الفوضي دي؟ طب والفوضي الي ف دماغي يا ماما مين يشيلها انا معرفش اكتئاب ولا دا ايه بس انا حتي ف الاعياد بقعد اعيط و انا شايفه كل الناس فرحانه وانا بجد مش عارفه افرح من قلبي بجد كل حاجه تقيله عليا و كمان انا بقيت اتعب من كدا و جسمي من اقل حاجه بيوجعني وبيظهرلي امراض غريبعع و اما اروح اكشف يقولي مفيش حاجه طب والي انا حاسه بيه طيب يعني اكيد مش بيتهيألي ؟ دلوقتي انا بعد نا اتخرج مش عارفع ازاي ممكن اواجه المجتمع وانا بالمنظر دا بجد مبعرفش اتعامل مع اي حد خاللص ومعنديش خبرات ف اي حاجه ولا عمري اشتغلت وعايزه اقعد ف البيت بسس للاسف لازم اشتغل لان الوضع بقا صعب و الظروف الماديه مش كويسه نهائي ف دا مش اوبشن اني اقعد ف البيت بس انا بجد مش عايزه اشتغل و معرفش اصلا امتي كل الوقت دا عدا و امتي كبرت كدا انا كنت فاكره لسه بدري مكنتش فاكره اصلا اني هعيش لليوم دا والله بس انا خايفه جدا جدا جدا من كل حاجه انا عايزه اتشجع و اجرب بس خايفه متنجحش معايا وخايفه افضل زي منا ويتريقو عليا ف الشغل مهي مجتش عليهم يعني ما كله بيتريق عليا بس اعمل ايه والله
المهم الي عايزه اعرفه دلوقتي هو ليه كل حاجه ببدأ احبها واتعود عليها بتروح مني؟ و ليه كل ما حد يتعرف علي حد جديد يسيبني ويمشي؟ انا بجد مش عارفه انا فيا ايه يخليني دايما كدا لوحدي ومحدش بيفضل معايا انا عشت عمري كله ف البيت و مكنتش بخرج غير للدراسه و لما حد بيقولي نخرج غصب عني بقوله لا عشان مبيوافقوش ف البيت وحتي لو وافقو ف انا مش معايا فلوس اصلا حالتنا الماديه متسمحش اني اصرف ف خروجه ٤٠٠ دا ممكن بكون مصروفي شهر اصلا ف انا ضيعت عمري كله ف السوشيال ميديا الي مش سوشيال خالص ف الاول من وانا صغيره و انا كنت بكلم ناس معرفهمش وخلاص عشان محسش بالوحده بس كمان حتي الناس الي معرفهمش بيسبوني ويمشو!! عبط والله معرفش دا ايه بجد المهم ف انا معنديش علاقات كفايه و متعاملتش مع ناس كتير وانا خلاص اتعودت علي قعده البيت وبقيت بحبها ومعنديش اي خبره ف الحياه و كل ما الدنيا تضيق بيا اقعد اعيط بجد ما دي الحاجه الوحيده الي اعرفها ف حياتي عمري ما حكيت لحد اي حاجه كل الي بعمله بستني قبل النوم افضل اعيط لحد ما عيني تورم وانام وخلاص و محدش كان مهتم بيا ولا حد عارف اصلا كل حد ف شغله و ملوش دعوه بالي حواليه حتي ما