مش هقولك غير حاجتين بس اولهم زود في الطاعات و قرب من ربنا و ادعي كتييييير و تاني حاجة افتكر انت بتعمل كل دا لية عشان نفسك؟ او عشان تدخل كلية معينة؟ او ترضي اهلك؟ ايا كان فهو يستاهل انا اخويا كان ثانوية عامة السنة اللي فاتت و كان شبه كدا مخنوق و مش قادر يذاكر و كدا و الدنيا كانت بايظة و بينام و بتاع بس كان بيحاول و ربنا كرمه آخر كرم و الحمد لله فتخيل فرحة العيلة كلها اليوم دا و كلنا اتجمعنا و الحمدلله السنة دي مخلصتش بتروما فكل ما تعطل افتكر دا كله و اعمل اللي تقدر عليه عشان يوم النتيجة حتى لو لا قدر الله بعد الشر متوفقتش (و اتاكد انه هيبقى الخير ليك بردو) تقدر تقول وقتها و بقلب جامد انا عملت كل حاجة اقدر عليها و تبقى راضيت ضميرك

هتخلص عموما ليها وقت وهتخلص

والله كلها ملحوقة ان شاء الله متشلش هم المستقبل و متخليش الماضي يشبكك انتا ليك الحاضر ودلوقتي ربنا يكرمك كده اكيد عديت في حياتك بحاجات معرفتش تعديها ازاي و لسة هييجي كتير وان شاء الله ربنا يوفقك فيهم كلهم بس محتاج انك تجتهد اكتر حتى لو مش قادر، لو فيه عائق مادي او جسدي ده حاجة تانية مقدرش الومك عليها ومش هلومك على اللي فات، اللي فات مات المهم احنا في دلوقتي والان معرفش هقدر اساعدك عامة ولا لا بس اي المشاكل طيب هحاول معاك

متزهقش بسرعة انا عارف انه الموضوع متعب بس خلي بالك عامة مش قصدي اتشائم والله بس يعني مثلا لا قدر الله ممكن تقول بعد النتيجة ياريت وياريتني مش عايزك تقول كده عامة يمكن انتا عملت اللي عليك فعلا وده اقصى مجهود تقدر تقدمه ف شكرا انك وصلت للنقطة دي بس الفكرة يعني انك لما تدعي ربنا مثلا قول يارب انا عملت كل اللي عليا ف ارزقني من كرمك بالواسع لو تقدر تدعي بكده ف انتا في السليم ان شاء الله مهما كانت درجاتك طالما عملت اللي عليك وقلبك مطمن ده المهم