عدي سنة و نص علي احزن موقف في حياتي ، انا متجوز و معايا اطفال و بشتغل لساعات طويله ، مراتي طلبت تشتغل وانا وافقت. اكتشفت انها اتعرفت بواحد و مكالمات شغل قلبت بصداقة و فضفضة ، شهر و نص اكتشفت الموضوع بالصدفة من فواتير التليفون ، كان نفسي اعرف طريقة مكالماتها للكلب دا ، واجهتها و انهارت و اعتزرت و باست رجلي و ندمت اشد الندم ، للامانة هي بعد عشر سنين جواز شايلاني و شايلة العيال و مش بتطلب كتير ، انا قولتلها هبلع الموضوع علشان العيال مع منعها من العمل، بس الجرح عميق و كل فتره بفتكر والجرح يتجدد والسؤال اللي بدون اجابة ، ليه ، والاهم اني حاسس ان مراتي معيوبة. نفسي انسي ، نفسي اسامح، انا مراقبها وواثق انها هفوة منها هي مش طبيعتها كدة بس فقدت السيطرة. مكانتش مبسوطة وهي بتعمل دا. بس انا الموضوع مبيروحش عن بالي ، بدعي عليها ساعات ، و بستغفر ربنا ساعات ، قللت ساعات شغلي ، بفكر اركز علي نفسي ، بحب ولادي جدا و مش عايز اهد البيت ، بس نفسي اخف نفسي ارجع مبسوط باسرتي الصغيرة ، نفسي تبقي زكري غير موجعة زي مثلا ما بنفتكر امتحانات زمان. نفسي ابطل احزن و السؤال اللي بسمعه وانا سايق عربيتي وراجع بعد يوم شغل طويل ، ليه عملت كدة ، وازاي مراتي تعمل كدة. محتاج نصيحة