لو في شخص متقدملي هو قدي و معايا في نفس الدفعة و الكليه و يعني كان في بينا حب دام سنتين بعدين بعدنا لحد ما ربنا يكرمه و يتقدم المشكله انه شقته في بيت عيله ، بمعني انه اهله عايشين في بيت دورين زي الفيلا كده و انا هبقي الدور التالت بس بسلم خارجي يعني هي زي العماره عادي مش في الارياف و لا حاجة في القاهره عادي بس هو والده اشتري الارض و بني عليها انا رافضه بيت العيله ده لاني بسمع عنه كوارث و مصايب و مشاكل وانا مش ناقصه باباه صيدلي و امه ربة منزل عادي خريجة تربيه و عنده اخت اصغر مني باربع سنين و اخ اصغر بتمن سنين حتي اخوه ده شقته هتبقي الدور اللي فوقينا بس ده بحكم انه لسه الولد في اعدادي يعني فلسه بدري دلوقتي انا برتاح خالص خالص لفكره بيت العيله و اتكلمت معاه اكتر من مره و وضحتله عدم ارتياحي و الكلام الاخير انه اكنك قاعده في شقه في عماره لوحدك و محدش هيطلب منك اي حاجة ولا هنقولك انزلي ولا اعملي ولا اي حاجة و هعرف اهلي كده برضو و نحط حدود و الحدود مبتزعلش حد و الخصوصيه برضو مهمه و اكنك قاعده لوحدك و لو حصل اي مشكله انا ملزم قدام والدك اني اجيبلك شقه بره بس انا حاليًا لسه طالب بدرس و مش هقدر اعمل الخطوه دي و ليه اروح اقعد في ايجار وانا عندي شقتي ملك انا مش عارفه اعمل ايه او اتصرف ازاي انا بحبه ماشي بس مش حابه حتة الشقه دي مش مرتاحه و مش برتاح للفكره عموما تنصحوني بإيه احنا لسه ٢٢ سنه في كليه طبيه لسه فاضل سنه و سنه امتياز
بصى من رائى انا ادام بتحبه وكاان واضح معاكى فى وضع الحدود فا مفيش مشكله تعالى افكر معاكى بصوت عالى شويه هل هو معاه يجيبلك شقه بره وخبى عليكى لا.. طيب هل شووفتى قد اى الشباب تعباانه الفتره دى هل حسسك لا طيب... هل ركنك جنبوو وضحك عليكى لا... بصى قليل اوى الى يحب ويوفى.. وفى حاجات م بتتكرر مرتين زى الحب لو انتى حبيتيه فعلياااا م هتقدرى تحبى غيروا تانى حااجه اهلو متعلمين مشااء الله يعنى م جهله وادام معاملتك معاهم هتبقى طيبه ليه هيضيقوكى م كل بيووت العيله وحشه فى نااس بيكوونوا احن من الاهل ودا تعرفى من المعامله وبذات ان الشخص الى معاكى بيحبك وباقى عليكى وبيتمنالك كل حااجه كوويسه ومن كلامك يتمنالك الرضى بلاش تضيعى حد بيحبك واتقى ربنا فيكى واتمناكى من ربنا علشاان مجرد خيالات
بصي من رائي ان الخطوبه بتبين الشخص الي قدامك اكتر والعائله بتعرف العائلة
متقبليش بوضع غير مريح عشان الحب محدش هايدفع التمن غيرك هو برا انت اللي في البيت انت اللي هاتعيشي معاهم وانت عارفة أن الوضع غير مريح ومن البداية لو شروطك مش اتنفذت صعب خاالص بعد ما تتجوزوا ينفذها اشتري راحتك لأن دي الأهم لبيتك وليه هو ولأولادكم صلي استخارة وربنا يدلك علي الخير دي وجهة نظري وانا كمان رافضة بيت العيلة حتي لو قالولي أنهم بلسم وطيبين علي عيني ورأسي بس بتجنب المشاكل بلاها كدا افضل خليني ضيفة خفيفة اجي وامشي الواحد عايز بس يعيش في راحة بال قدر المستطاع بعيد عن المشاكل هو وشريك حياته وأولادهم وبس لا فيه حيل يتخانق ولا يركز ولا يعيش تنشنة ومشاكل ربنا ييسر لك امورك كلها ويكرمك يارب 🤍🫂