المفروض الإنسان الطبيعي بيعمل اية لما بيحس انه خسر كل حاجة؟؟ عشان اوضح اكتر... انا خسرت كل حاجة تقريبا . اي حاجة احبها و اتعلق بيها تروح مني على طول،اغلب الوقت ان مكنش كله بحس اني مخدوعة في نفسي او شايفة نفسي صح و انا اكتر حد غلط خسرت واحدة صحبتي أعتقد اني كنت بحبها اوي و يمكن بحبها اكتر من اختي و guess what انا اللي قطعت العلاقة دي قلت هحاول اموف اون و انجح دراسيا فشلت بردو ، كنت فاكرة اني حد شاطر في دراسته بس الواقع طلع غير كدة ، في ناس حواليا بشوفهم بعرف بجد اني ولا حاجة و مش غيرة او حسد بس بفكر انه كان نفسي اكون معاكوا او شبهكوا بس واضح كدا انه انا مش الحد اللي يتقال عليه دراسيا شاطر قلت ادخل طريق مش كتير بيدخله و ادخل مدرسة للمتفوقين و كنت مخدوعة في نفسي و فاكرة اني منهم بس طلع انه لا ، اتقبلت آخر رغبة اللي هي اصلا العريش و لسة فاتحة يعني من الآخر انا ممكن نقول اقل العاليين و اعتقد دا اسوء من انك تكون تحت اوي طبعا معرفتش اموف اون و مستوايا نزل جدا لدرجة ناس عرفتها صدفه اما بييجي موضوع الدراسة محدش بيسألني او كدا و اتقالتلي قبل كدا "انتي بليدة" قولت طب نحاول نشوف اي حاجة كويسة لقيت ان حتى علاقتي بأهلي بقت صعبة اوي و مفيش تفاهم و خيبت املهم في حاجات ياما و بقيت اسمع منهم كلام صعب بس ارجع و اقول الغلط مني مكنش ينفع افكر اني حد كويس للدرجة دي و مش محتاجة اقول اني بدأت ارجع افكر في صحبتي دي و بوظت كل حاجة في حياتي و بإيدي و مفيش طاقة أصلح حاجة و الجانب اللي عدد قليل جدا من اللي يعرفني عارفه اني جالي من كام شهر وسواس قهري OCD في معظم العبادات تقريبا فحتى الجانب دا راح مني و لوحدي معنديش حد قريب مني احكيله او اشكيله او افضفض حتى و اي كلمة تقريبا بقولها بتتاخد ضدي أنا بقيت اوحش نسخة من نفسي حرفيا و مبقاش عندي طاقة اصلح ولا ادور حتى على حل..!!!