اتمنى حد يقدر يفيدني، دلوقتي انا خطيبي اكتر من مرة يعلق ع جسمي وشكلي بطريقة مباشرة او غير مباشرة بس دايما يعتذر ويحلف مش قاصده بس اخر مرة اتخانقنا جامد ف حاجة معينة راح قايلي ان اخلاقي شبهي بالظبط عشان يجرحني يعني بس فكرة انه شايف ان دا موضوع يجرحني هي اللي جرحتني اصلا مش عارفة حد فاهمني ولا لا بس انا عمري م كان عندي مشكلة مع شكلي هو عادي فعلا اهلي، صحابي، حتى اكتر من مرة بنات معرفهاش توقفني ف الكلية تقولي شكلك حلو النهارده والغريب انه خطيبي دا مش صالونات احنا واخدين بعض عن حب وانا ف الاول خالص مكنتش متقبله شكله ابدا مع ذلك كنت بحسسه انه مفيش ف جماله بس مع الوقت حبيته لشخصه ف بقيت اشوفه حلو وهو انسان كويس عموما وبيحبني ولكن كل اسبوع مشكلة تافهة لكن النقطة دي الي بكتب البوست عشانها مش بس كلمته فيها دا حد من اهله كمان لاحظ وكلمه وقاله ميصحش كدا لكنه مستمر، انا مؤمنة اني مستحيل هقدر اسعده لو هو مش محسسني اني مالية عينه مش هكون ع طبيعتي وهخسر نفسي وبالتالي هتعسه معايا وحاليا الفترة دي بحاول اجمع نفسي اني اقدر انفصل عنه لانه اول تجربة والموضوع مش سهل بس دا القرار السليم، جربت اكلم ثيرابيست عشان مش عاوزة بعدين احس اني غلطت او مدتش الموضوع حقه (بقالنا سنة ونص سوا) بس توهتني وخلتني مترددة اكتر و ف الاخر قالتلي مقدرش اقولك تعملي ايه (كالعادة) هل انا كدا ماشية صح؟
بصي يحبيبتي انتو مهما كان لسه عالبر ولو على حبك ليه ف انتو لو كملتو عالانتقادات دي هيكرهك ف نفسك وفيه وطلامه هو بيعتذر ويرجع لنفس الغلط يبقى هو قاصد وممكن متكونش المشكله منك ممكن تكون نابعه من نقص عنده شخصيا ف انا هقولك اللي لو كنت مكانك كنت هدوس على قلبي وهعمله لأن الراجل اي غير حنان ف كلامه ومعاملته انا لو مكانك بجد هفسخها من اولها وهحترم نفسي واقدرها لحد ما ييجي الي يعززني مش يقل من شكلي او من حاجه مستحيل اغيرها ف نفسي
من رأيي تسيبيه طبعاً او تزعلي جداً وتفهميه إن إنت بتتضايقي ولو عملها تاني سيبيه علطول
شريك حياتك هيفضل مكمل معاك طول حياتك و هو دلوقتي بينتقد شكلك الي انتي مش شايفه فيه حاجه غلط بعدين هيبقى منتقد كل حاجه و لازم الشخص الي تختاريه يكون متقبلك من غير انتقادات أو تعديلات إلا لو عشان مصلحتك مثلا بنت مليانه شويه ف خطيبها يقلها حاولي تخسي عشان صحتك ف دي حاجه لمصلحتها بس ولازم تاخدي شخص متقبلك ك كلك و متقوليش بعدين يتغير لو كده من اولها اكيد هيفضل كده
هوا لو شيفك كدا من الاول يبقا بلاها يا بنتي بعد الجواز كله بيتغير حتي هواه انتي شكلك بتمدحي في شكله كتير فا اتغر
فكك منه يا بنتي اللي يتعدى حدوده كدا في الخطوبة في الجواز هيبقى انيل
إهربي بجد والله م ينفع زوج ولا أب ربنا يعوضك بالاحسن منه متردديش لحظة
اوعي بجد لازم تسيبيه انا حبيت حد برضه اوي وحرفيا كان كلمه ملاك قليله عليه من كثر حبه ليا ومعاملته واهتمامه كنت بحسد نفسي عليه بس في يوم قالي علق علي شكلي قالي انتي عندك هالات وسمره (مع اني قمحي فاتح واموره والله) ونا بحب البنت البيضه عارفه ساعتها عملت اي؟ مخدش اي رد فعل فضلت مسايساه عشان اشوف اسؤ ما فيه عشان لما اسيبه قلبي ميوجعنيش عليه وفعلا عملت اني متقبله الكلام وفضلت سمعاه وقالي خدي كريمات تفتيح وخدي حقن تفتيح(بتلعب في جيناتك عشان تخليكي افتح وديه غلط جدا) وقالي لو عملتي كدا هحبك اكثر وكل ما تكوني بيضه هحبك اكثر انا وبعد ما كان بيحلفلي إنه هيجي يتقدملي فجأه بقي بيتحجج ب بنت عمته وإنه كبر واهلو بيضغطو عليه أن يتجوز بس سيبته لحد ما طلع اسؤ ما فيه وكان عيد ميلاده بعدها بكام يوم، قفلت معاه وقولته بكره هعملك مفجأه كبيره اوي وصحي بعتله رساله بتاعه see more دي 😂واديته بلوك ونا مستريحه طبعا بعدها للأسف جالي تروما من الرفض وقصيت شعري وثقتي في نفسي كانت في الأرض وحسيت اني مش كافيه وشوفت عيوب فيا عمري ما كنت ملاحظاها اصلا ف نصيحتي اوعي تخدي حد هو مش شايفك تحلي واحده عشان متدمريش زيي كدا