الابتلاء اللي ربنا وضعك فيه دة ربنا اختاره ليك، وطالما اختاره ليك يبقى لازم تكون عارف انه مخصص ليك وعلى قدراتك وإمكانياتك، يعني ربنا مش هيبتليك بحاجة انت مش قدها لا هو هيبتليك بصدمات يخليك تكفر بيها سيئات ويقربك منه وفي نفس الوقت ربنا عنده علم ان الصدمات دي مش كبيرة عليك وتقدر تخرج منها وتتخطاها طب والدليل؟ { لَا یُكَلِّفُ ٱللَّهُ نَفۡسًا إِلَّا وُسۡعَهَاۚ } ربنا مش هيكلفك بحاجة انت مش قدها، تفائل وتوكل على الله وسلم أمورك جميعها له❤️ وربنا يرحم والدك ويغفرله ويسكنه فسيح جناته

وبعدين اخت صغيره يعني محتاجه اب اكتر منك واتمني تكون ليها الاب وربنا يرحمه ويغفر له ويسكنه فسيح جناته ويلهمكم ذويه الصبر والسلوان

ربنا يرحمه و يغفر له ، والدك أكيد مش هيكون مبسوط لو أنت قفلت كل أمل قدامك ....والدك عند ربنا اللي أرحم مني و منك بس ف إيدك تدعيله الرسول قال إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له" حاول تدعيله كتير و صبر نفسك و خد وقتك في الزعل مش تكتم مشاعرك ......ربنا يعينك و يخفف عنك أنت و أهلك

والي ميستحملكش ف أشد وقت مش هستحملك خالص

لزم تتقبل فكره ان الموت علينا حق يعني هيجي يوم وكلنا نموت وتفكر ف الامانه الي باباك سبها ليك