بالله عليكم حد يكمل البوست بتاعي عشان انا محتاج افضفض و مليش بعد ربنا حد اتكلم معاه في النطقة دي بصوا انا هقسم القصة بتاعتي عشان محدش يتوه مني اولا --انا من سنه في نفس الوقت ده كانت امتحاناتي في اخر ترم في الجامعة و خلاص هتخرج و كانت أتعس ايام حياتي ليه ؟ عشان كنت مرتبط ب بنت ٥ سنين طول فترة الجامعة و سبنا بعض في الفترة دي و سبنا بعض بطريقة توجع القلب ------------------------------------ ثانيا-- اتعرفت على بنت من محافظة تانيه عن طريق السوشيال ميديا و كانت من انضف الشخصيات اللي عرفتها في حياتي كانت منتقبه و أزهرية و كانت ونعم الادب و دين و الخلق و اهلها و نعم الأهل المهم بمجرد ما اتعرفنا سافرت ليها رؤية شرعية وسط امها وأبوها و اخواتها وكانت زي القمر روحنا اتفقنا على الخطوبة و اهلها الله يبارك لهم دنيا و اخره راعو ظروفي و أن انا ولدي متوفي و قالولي اخطبها ان شالله ب دبلة و فعلا حصل و خطبتها بعد ما عرفتها و اتخرجت ب٣ شهور ---------------------------------------------- ثالثا -----اول اسبوعين خطوبة ، الاكس رجعت و مستحملتش اني خطبت و راحت حكت لأهلي أن (حصل بيني وبينها حاجه) و اني مستقبلها ضاع وان ابنكم هو السبب و فعلا للاسف زمان حصل بينا حاجه و كنت بردو عايزها اقسم ب ربي ما كنت بلعب بيها ويوم ما سبنا بعض عشان اكتشفت انها خرجت (ديت) مع زميل ليها في الشغل كان عايز يتقدم لها فا عشان كده سبتها و هي ولا عبرتني ٥ شهور بعاد و ده اللي خلاني اكتئب و قولت يوم ما احب هروح أخطب على طول و بالفعل روحت خطبت بنت الناس المحترمين اللي عمرها ما زعلتني ولا كسرت بخاطري ---------------------------------- الاكس رجعت وقالت لأهلي كده و اهلي طبعا طلعوا عيني عشان اهلي ناس متدينين وقالولي بصريح العبارة كده انت هتسيب خطيبتك و تخطب الاكس اللي غلطت معاها وانا فضلت رافض رافض رافض بس كثرة الضغط ضغط ضغط وافقت و سبت خطيبتي و حكتلها كل حاجه وهي فضلت تعيط بس مغلطتش فيا كانت مؤمنه بالرغم من كسرة القلب وما قالتش اي كلمة تزعلني في آخر مكالمه بينا ----------------------------- روحت خطبت الاكس و الموضوع خلاص عدى و الحياة مستقرة بقالها ٩ شهور اهو بس قسما بالله انا قلبي واجعني انا مش قادر اتخطى البنت اللي خطبتها مش قادر اتخطاها انا قلبي واجعني اوي وكل حاجه بتفكرني بيها وانا عايش مع خطيبتي مش بحبها وبتمنى نبعد و بتمنى اموت او هي تموت اي حاجه تبعدنا عن بعض انا عايش بلا هدف ولا شغف و موجوع اوي اوي اوي انا سبت خطيبتي الأولي بالعياط كنت بعيط زي العيل الصغير انا حاسس اني متكتف و مجبور على حاجه ولازم تحصل انا حتى بفكر لو اتجوزنا أطلقها أو بفكر اني اسافر وابعد و اهرب و أبدا حياتي من جديد بس بفكر بردو في اهلي ازاي هسيبهم لمين و هما اصلا هيزعلوا مني وممكن يقاطعوني لو سبت البنت دي كده انا بجد نفسي ربنا يصلح كل الامور بأي طريقة يارب سامحني واغفر لي و خفف عن قلبي ياكريم