النهاردة كان آخر يوم اقدر اشوفه فيه ولو شفته هيقى بعد شهور ومش هعرف اشوفه زي ما بشوفه دلوقتي لأنه هيدخل تالتة ثانوي وانا داخلة تانية ثانوي حزينة اني معرفتش اشوفه كان نفسي اشوفه اوي وحاولت أخرج علشان اشوفه معرفتش حزينة بجد حتى هو مش من بلدي يعني مش ممكن اشوفه في الشارع عادي كده عمري ما كلمته ولا عمري شفته قدامي اكتر من 3 دقايق عمري ما سمعت صوته بس كنا معجبين ببعض لفترة وكنا بنلمح لبعض وبعدها عرفت انه مش كويس وبلكته انا مقتنعة أنه مش كويس واني بلكته ده هو الصح وبحمد ربنا اني مغلطتش وكلمته ولا ارتبطت بيه بس لسه متعلقة بيه لسه بدخل الاكونت بتاعه 47 مره في اليوم لسه بستوك كل اكونتاته بيتحرق دمي وبغلي لما اشوفه تابع بنات تانية زعلانة زعلانة بجد انا كان نفسي يبقى حد كويس كان نفسي ميبقاش كده كنت هبقى مبسوطة اوي بجد وكمان كان نفسي اشوفه النهاردة متستغربوش لو شفتو البوست ده تاني النهاردة أو بكره علشان عايزة اسمع كلام كتير
هنصحك نصيحة من اختك الكبيرة، بلاش ثم بلاش ثم بلاش علاقات او حاجة من العك ده في الفترة دى خااالص لو قدرتي تلغي مشاعرك حاولى انا عارفة انه صعب بس حاولى اعملى كنترول، صدقيني التمن كبير هيكون قلبك و نفسيتك و مستقبلك و قبل كل ده طبعا علاقاتك بربنا اللى هتتأثر اكتر و هتحسى انك بتبعدى خطوة خطوة. قربي من ربنا اكتر اعمل ورد قراءة و سماع و حفظ لو هتقدرى حافظي على الأذكار صباحا و مساء و قبل النوم و سورة الملك قبل النوم و قيام الليل لو حتى ركعتين بعد العشاء بالنسبة للتعلق الحل انك تقربي لربنا واحدة واحدة خطوة بخطوة ادعى ربنا يطلعه من قلبك في عفو و عافية و ان ربنا يطهر قلبك، حاولى معتيش تدخلى على الاكونت و اقسملك بالله مرة في مرة هتقدرى تمنعي نفسك و معتيش هتعملى كده اشغلي نفسك كتير ب حاجات مفيدة كورسات او هواية او دورات دينية او بودكاست ديني او اى حاجة بتحبيها كل ما تلاقي نفسك بتفكري فيه مطلويش عن دقيقة و شوفي حاجة اشغلى مخك بيها
مش عارف اقول اى والله، انا ردى فى الموضوع دة ممكن يزعلك بس انت باين عليكي زعلانة اوى اصلا، بس الى اقدر اقولهولك ابعدي عن اي حاجة تفكرك بيه واسالى نفسك قبل ما تدخلى علي اى كونت بتاعه، انا هستفاد اى؟ وكمان انتبهي لنفسك ولمستقبلك وانت كدة كدة هتتلاهي ومع الوقت هتفتكرى كل الى انت فيه وهتضحي، دة لما تطورى شخصيتك للاحسن ان شاء الله. وفى حاجات كتير تعمليها بس اكتشفيها بنفسك هيكون افضل ليكي انت فالمستقبل.