12 Apr 2026يشعر بـ مكسور القلب
ليه بجد بيصعب عليا اى عريس جاى يتقدم او بيصعب عليا الرفض دا لاى شخص ف العموم (عريس او غيره)ممكن لان انا بخاف ومش بحب ان اترفض المهم م بالكم بقا قعدت مع حد بيحبنى بقاله كام سنه وبجد مشاعره عليا واو وانا اول بنت ف حياته وكل هذا الكلام الجميل حصل حاجه ف الموضوع متمش يعنى بين الاهل ف اتلغى بجد انا محمله نفسى مشاعره دى، ممكن انا اعجبت بيه اه بس مكنتش لسه حبيته لاننا متعاملناش كتير عشان احبه بس انا صعبان عليا بطريقه معرفش هشوفه بعد كده ازاى ف الجامعه وبجد مش عايزه اتكلم معاه ف نفس الوقت عايزه ادخل اساله انت كويس بجد معرفش فى اى هو الموضوع عادى ولا انا شخصيه توكسيك ولا انا مالى 🥲
بالعكس انتي مش توكسيك يمكن تكوني حساسه زياده عن اللزوم بس كونك رفضتيه او محصلش نصيب خلاص ماينفعش يكون فيه تواصل عشان يقدر يتجاوز ويتخطي بسرعه لاني اهتمامك بيه بعدها حيضره اكتر ماحيفيده ومبقاش ليه لازمه ونصيحتي متخليش مشاعر اللي قدامك تنعكس عليكي ركزي علي مشاعرك انتي واحتياجاتك ايه وافهميها عشان متجرحيش حد وتحسي بذنب
بصي أول قاعدة في العلاج النفسي ان كل واحد يتحمل مسئولية مشاعره ، يعني انتي وهو متعاملتوش كتير مع بعض (واقع) بس هو ضخم الدنيا وعمل قصة حب في دماغه (خيال) حاولي تتجنبيه قدر الإمكان لإن أهلك معاهم حق ، وانتي مش شخصية توكسيك ولا حاجة ، بالعكس انتي حساسة جدا ويمكن احتياجك للحب مخليكي متمسكة بيه وزعلانه عشانه ، بس صدقيني الدليل الوحيد على حبه بجد ان ظروفه تتحسن ويرجعلك تاني
لا انتى مش توكسيك صدقينى ..ربنا يصلحلك الحال
سيبك من حوار دكتور ودكتوره لأن كلنا بشر مش هنصنف الناس بناءا على شغلهم ولو فكرتى للحظه وشوفتى الناس بره بتتجوز بأقل التكاليف المهم اختيار الشخص وان الاتنين عايزين بعض تمام فهمتك يعنى حتى الحد الادنى مفيش بسبب ظروفه نقطه ان والده اللى هيدفع وكده مش مشكله لان هى ظروف البلد كده ده مثلا لو بره كان هيشتغل فى الاجازه وهيعمل فلوس كويسه لكن هنا حتى لو اشتغل الف شغلانه فى الاجازه فلوس متساعدش فى جواز
انت ابوكى كده رفض ظروفه ايوه طبيعى هيقول بيتى مفتوح بس خلاص هو ظروفه كده علشان تتحسن مستحيل الدنيا بتروح بتصعب فى مصر كلمى امك تكلم ابوكى وان هون شروطه وقبل بكلام الناس كلمى الشاب قوليله بابا موافق او ضغط عليهم علشان عايزاك صريحه كده ...كلم ابوك تانى وتشرفونا
طيب ما تكلمى اهلك يهونوا فى الشروط طلاما الشخص كويس وعايزك وجاى حلال اها ليه نصعبها على بعض
عايزه تريحى نفسك عادى كلميه انت كويس بس اتقلى اطمنى عليه واتقلى اصبري يبدأ هو كلام بعدها وكده وعادى ممكن تتكلموا فى حدود الدراسه وكده وحتى حبل الود ميتقطعش ولغايه ظروفه ما تتحسن واتعلموا المانى مع بعض اها ده ممكن يشتغل بيه فى الاجازه يعمل فلوس حلوه قوى قوى ويقدر بعد فتره يشتغل من البيت part-time