انا كنت منزل مشكلة من شوية. بس الفكرة في حاجة يعني هو يا جماعة لو واحد بيحس ان هو مالوش حظ في حاجات كتير قوي هو بيسعى لها وناس تانية صحابه وزمايله يعني بيجي لهم الحظ ده. يعني لو ماليش حظ في شغل مسلا معين رغم ان انا سألت لي وموتت نفسي وبعد مجالي الموضوع بقى مبهم. وبقت متأجل في الشغل ده. وزميلي التاني ما سعاش ليه ولا اي حاجة وربنا وفقه فيه. مش بحقد عليه ولا بحسد. بس اللي هو صعبان علي نفسي انا. تمام? لو انا مسلا يعني ربنا ما رزقنيش بكده فالمفروض ربنا يرزقني بقى بان انا احب واتحب وكده. لما لاقي برضو ان انا مش يعني نصيبي مش في المكان ده برضو في ان انا احب واتحب وكده. ولا اي صاحبي برضو او صحابي نفس الصاحب او ناس كتير تانية برضو اه بيحبوا يتحبوا يتخطبوا وكده. طب يبقى يعني اللهم لا اعتراض. بس هو ده اه يعني سببه ايه? وازاي نصبر على على كده. يعني ازاي نتحكم في ان احنا نصبر وننتظر واحنا ما بنتحركش خالص رغم ان احنا بنسعى. بس بنسعى ومش بنتقول اللي احنا عايزينه. في حين زميلك او زميلك التانيين ما بيسعوش وبيطولوا كل اللي هم عايزينه. وهو الموضوع يجنن. انا مش بحقد او بحسد بس فعلا هتجنن. ما حدش يقول لي لازم تبقى مؤمن بربنا والله العظيم مؤمن بربنا وانا ارزاق وانا ممكن رزقين متأخر احسن منهم ولكن ازاي ازاي يعني نقضي الفترة بتاعة الصبر والانتظار دي ازاي
انا زيك كنت دايما معتقده اني حظي سئ سواء في الحب او بالشغل او حتي بالدراسه باخد اقل حاجه حتي بالبيت اكتر واحده شايله مسؤوليه واكتر واحده مهدور حقها وبيستنكروه برغم اني من غيري مبيعرفوش يتصرفوا كنت فاكره اني ده سوء حظ بس ربنا كان بينجيني من نواحي اخري مبفهمهاش غير بعدين واني الشغل اللي مكانش ليا فيه نصيب ربنا رزقني في مكان تاني برزق احسن منه والحب مكانش فعلا يناسبني وربنا رحمني من ضياع الوقت معاه وبذل مجهود ع الفاضي والبيت اللي مبلاقيش فيه حقي استعوضته عند ربنا عشان ده حقهم عليا اني اساعدهم ولكن حطيت حدود في الحاجات اللي بتأذيني ودعيت ربنا بالرضا والقبول لاني الحكمه في اختياره لينا مش سهل نشوفها لكن السر كله في الرضا وادركت مع الوقت اني كل اختيارات ربنا ليا فعلا كانت الافضل بكتير من اي اختيار انا كنت عايزاه ..وده مش معناه اني مبسوطه بأغلب الوقت اوقات كتير بحس بوحده بس بدعي ربنا دايما يجعلني راضيه ويرزقني باللي يشبهني ..نصيحتي ليك ادعي دايما واكتب مشاعرك فرغها علي ورق وحتحس بالفرق بالتدريج حتحس انك اخف وربنا يعينك علي الايام الصعبه دي ويعين كل شاب
الرزق ده أنواع.. ممكن زميلك ربنا رزقه بالشغل بس انتَ ربنا رزقك بصحة أو بقلب طيب أو بستر أو حتى بالصبر اللي انتَ فيه ده ربنا بيوزع الـ ٢٤ قيراط بتوع كل واحد فينا بشكل مختلف عدم وجود الرزق المعين اللي بتتمناه دلوقتي مش معناه إن حظك وحش معناه إن نصيبك متشال في خانة تانية أو لوقت تاني
صديقي قبل اي حاجه سعيك مش مرتبط بوصولك علي قد ما ربنا شايف ان لو اخدت الحاجه دي في الوقت دة هاضرك انت تكمل طريقك توفيق ربنا 99في الميه سعيك 1في الميه متملش ابدا لان كمان ممكن يكون اختبار لصبرك وعايز ترتاح بجد ومتفكرشي صلاتك وقيام لليل قيم لليل واطلب الي انت عايزة من ربنا و متزعلش نفسك بس وقت رزقك وسعادتك جاي يمكن مش دلوقتي ويمكن قريب لله واعلم اعمل الي عليك لحد الاخر وربنا هايكرمك ويوفقك باذن لله
خذها من ناحية أنه الموضوع قرب لك انت لما يكون عندك احكام عالموضوع كأنه بينفر منك مثل التعلق مبعرف اذا رح تفهمني
عموما مفيش حاجه اسمها حظ كلها اقدار.