أنا عايزة أتكلم في حاجات أنا مش مرتاحة خالص الفترة دي. أنا كان في ولد عرفته من فترة حوالي 6 شهور، عارفين بعض عرفته من جروب مشترك كان بنات وولاد، تمام، واحنا كنا بنتكلم عادي، احنا أصدقاء، ما فيش بينا أي حاجة. مع إنه بعد فترة من تعرفنا اعترف لي بحبه مرتين، وأنا رفضته، كنت بقول له خلينا أحسن أصدقاء علشان ما نخسرش صداقتنا، وأنا ما كنتش حاسة بأي حاجة تجاهه ولا أي حب ولا مشاعر ولا أي حاجة خالص، كنت شايفة إن احنا أصدقاء بس. المهم كان بيختفي ساعات، بيرجع تاني، بيقول لي إن حصل معاه مشاكل، فأنا كنت بقوله تمام، ما فيش مشكلة. المهم جه الفترة اللي فاتت دي، آخر فترة، كان بيفتح تاني معايا موضوع الارتباط، وإن هو بيحبني، وقال لي "أنا بحبك حتى لو أنت مش بتحبيني، أنا هفضل أحبك، وحتى لو أنت مش هتحبيني، أنا هخليك تحبني كده بالعافية". وأنا قلت له "ما فيش حاجة اسمها بالعافية"، قال لي "بس أنا بحبك وهفضل أحبك حتى لو أنت مش هتحبيني". المهم بعد كده، احنا حاليًا بنتكلم بس، أنا مش مرتاحة، أنا ماما كانت عرفت إن بتكلم معاه وقالتلي متكلميهوش وهو من المحافظة مختلفة عن المحافظة بتاعتي، فأنا كنت يعني حاسة إن هو عادي إن احنا بنتكلم، وإن مش هيحصل لي مشاكل علشان هو في المحافظة مختلفة، والكلام ده كله. بس أنا حاليًا مش مرتاحة، وحاسة إن علاقتنا مش عارفة هي هتروح على فين، حتى لو هو بيحبني وأنا مش بحبه، وهحبه مع الوقت، أنا مستحيل أهلي يوافقوا عليه كزوج مستقبلي، ولا أنا حتى مستحيل أخليه أبو عيالي لأسباب كتير، وأهمها إن هو كان بيشرب سج*اير و حشي** وأنا اللي خلته يبطلها، غير كده إن هو اتحبس في خناقه قبل كده وخرج منها. أنا بتكلم مع إن هو صديق مش أكتر، فعشان كده مش فارق معي كل الحاجات دي مع أنه طيب وكويس بس مشاكله كتير أنا مش عارفة علاقتنا هتمشي لحد فين، ولا إيه اللي هيحصل، بس أنا عايزة أبعد عنه، ومش عارفة، وخايفة أشيل زنبه، وفي نفس الوقت هو يعني أكسر قلبه أو حاجة زي كده، مش عارفة أعمل إيه. كمان أنا أتعرفت على شباب تانية احنا اخوات بس ، وأنا والله أخلاقي مش وحشة ومحترمه جدا وكل الناس بتحلف بأدبي واخلاقي ولا عمري اقف اتكلم مع ولد في شارع ولا حاجه ولا إن أنا بكلم ولاد كتير طول الوقت ولا الكلام ده كله، احنا من عيله محافظة جدًا، وأنا مش بحب إني أتعامل مع شباب طول الوقت. بس أنا ساعات بلاقي ناس بتدخلني جروبات غريبة كده، وعادي برتاح فيها مع الكلام مع الناس، والكلام ده كله، أغلبية الوقت كمان بيبقوا في مدن ومناطق ومحافظات مختلفة عن اللي أنا فيها، وساعات بلاد مختلفة. في شباب أنا عارفاهم حاليًا، هم معتبرين أخت، وأنا معتبرهم أخواتي، وما فيش أي حاجة بينا خالص، بس أنا برضو مش مرتاحة، يعني حتى وهم أخواتي، وما فيش حد فيهم معترف لي بحبه، ولا في حد فيهم بيحبني، ولا أي حاجة خالص، ولا أنا بحبهم، بس برضو أنا مش مرتاحة، ومش عارفة أعمل إيه، ومش عارفة أنسحب من كل الناس دي إزاي، وكل يعني ناس كتير قوي في حياتي. أنا لو بعدت عنهم هم يعرفوا يوصلوا لي تاني، ويعرفوا يجرعوا ويحاولوا يكلموني تاني علشان أنا يعني شبه بقيت شخص مهم جدًا في حياته، ما بقيتش عارفة أعمل إيه . اسفه علشان طولت عليكم
لاذنب ولاتشيلي عنه شي ولا تورطي حالك وتخافي على مشاعره قدمي نفسك دايما وراحتك الاولوية قومي حكيلو مع السلامة واحظريه فورا والا بتندمي بعدين
هقلك الخلاصة مفيش حد بيحب حد ع السوشيال دا بيبقي فراغ عاطفي وتسلية مش اكتر تاني حاجه امشي ورا عقلك بيديكي اشارات ان انتي بتعملي حاجة غلط ودا كويس ابعدي عن كله الولاد دول ونضفي حياتك
امشي ورا قلبك طالما حاسه انك بتعملي حاجة غلط يبقى هيا غلط بجد ابعدي واقفلي كل السبل للتواصل بينك وبينه مش مشكله هو هينسي بالوقت إنما انتي لو كملتي هتكوني بتأدي نفسك.
فاهمك بس دي مشكلتك من البدايه. متقرريش ده تاني بقا
يعني الناس هنا قالت اظن كل حاجه صح في موضوعك بس هو يعني من قلك انو بطل ومصدقه ليه وبعدين يعني الجروب الي في شباب وبنات بيتكلمو صدقيني كل مفيش اخوات بين واحد وواحده حتي لو هما محترمين وكل كلامهم هزار في الاخر جوا قلبو في غريزه طبيعيه ده للولد وللبنت فا مهما تقنعي نفسك انه كلهم اخوات في حد فيهم اكيد معجب وجو قلبو انتي مش اختو 🤷🏻فا الموضوع ده عمتا اخرتو مش مريحه يعني تخيلي كده حد جه اتقدم وعرف انك كنتي في جروب وبتكلمي شباب ومعاكي بنات برضو حتي لو انتي فعلا محترمه نظرتو هتبقي ازاي اما بقا زنب الولد فا متقلقيش هو لو بيحبك بجد مش هيكلمك لوحدكو كده من غير ما يعوز يتقدم فا ابعدي متقلقيش مش هيموت نفسو
انا عارف نيتك انه كويسه والحمدلله غلى دا بس هم نيتهم. مش كويسه او الله اعلم بنيتهم فالي يابنت الناس من الاول اصلا بصي خشي. دلوقتي قوليلهم انا هخرج من الجروب ومش عاوزه اكمل ومحدش. يبعتلي وابعتيله هو كمان كده وفكك بقا شرفك. واخلاقك اهم. منهم. كلهم
بيدخن ليه سابقه بختصار مش كويس. تمام لما هو فيه الصفات دي كلها اتكلمتي ليه معاه معرفش ايه كان داير في علاقتكم يخليه متعلق بيكي اوي كدا بس خليني اوضحلك. فكره انك تخليه يبطل تدخين دي كانت بدافع ايه الانسانيه؟ تمام مفيش مشكله انا معاكي انك بتساعديه يبطل لنفسه مش عشان معجبه بي او اي نوع من الانواع دي انا فاهمك. بس نقطه زاي دي ممكن تترجم عنده انك معجبه بي بتحبيه مثلا عشان كدا اتعلق بيكي. وكذالك في نقط كتير ممكن من غير م تاخدي بالك تكوني عملتيها يخليه متمسك بيكي اوي كدا. المشكله من عندك مش من عنده انك اديتيله مساحه لكل ده بالنسبه للأشخاص الي زاي اخواتك لم الموضوع بيضايقيك اوي كدا و انك مش مرتاحه طب بتقربي ليه من الاول؟ بجد مش فاهمك😅
بصي مفيش حاجه اسمها انا مش بقف اتكلم مع شباب فاانا محترمه، برضو مجرد. كلامكم في الشات دا غلط وحرام لو انتي بتسألي عن الدين يعني ومش بهاجمك انتي بنت كويسه لمجرد انك مذ عاوزه تجرحيه بس يابنت الناس دي كده كده علاقه حرام يعني لو سبتيه وكسرتي قلبه وهو حتى مات، مفيش علاقه صدقيني اي ذنب ابدا لاني دي. حاجه حرام ونهايتها حرام بالتأكيد وتقدري تبحثي عن اراء الشيوخ في دا، ولو عاوزه تساعديه فعلا صارحيه بحقيقة انك مش عاوزه تكملي وتكلمي اي ولد وقولي اي حاجه وبلاش حتة مشاكلك كتير دي او اهلي مش هيوافقوا واما عن انهم هيكلموكي فتقدري تمسحي الواتساب من الرقم دا وقبل ما تعملي كده قوليلهم. انك مش عاوزه تكلمي ومحدش. يكلمك وامحسي الواتساب واستخدمي. رقم تاني، لان حتى كلامك مع الشباب وصحاب بقا واخوت والجو دا، فدا عيب برضو لانك بنت وغريبه عنهم. ومفيش راجل ابدا محترم يقبل يخطبك وانتي بتكلمي. شباب كده. حتى لو بيصحوكي تصلي الفجر، اتمنى يكون كلام مدايقكيش بس دي الحقيقه
بالنسبة للأخ الأول دا ابعدي عنه واقطعي كامل صلتك بيه ومش عليكي اي ذنب ف كدا ونصيحة من شاب يعني بلاش تكلمي شباب من أصله الشباب قلوبهم مياله ومعظمهم عنده فراغ بيحاول يملاه بأي شوية اهتمام بيلاقيهم ف نصيحة مني ابعدي ع الحوار دا كله مبدأيا عشان حرام وعشانك انت ف الاول والاخر هتقوليلي صعب وهيوصلولي هقولك اقفلي الف باب وباب والي يجي صديه عنك وربنا يصلح حالك ويوفقك ويمكن ربنا مخليكي مش مرتاحة عشان تفكري انك كدا محتاجة تغيري الوضع
لو بيبعد ويرجع تانى يبقى بيتسلى بيكى