علشان كده مش عارفه اتكلم! ليه بجد ليه لما حاولت اتكلم يحصل كده اللي حصل ان اختي كانت نايمه وجيت اشغل التلفزيون ماما قالتلي لا متشغليهوش لما قولتلها انا لما اكون نايمه بتشغلوه وبتتكلمو جنبي رغم اني نومي خفيف لقيتها زعلت وقالتلي مش هفطر اعملي الفطار على قدك روحت شيلت الاكل ومكلتش بعدها بشويا لقيتها جايه بتقولي تعرفي اني عيطت بسببك انا لو حصلي حاجه هتبقى بسببك بكرا هتلاقيني روحت المستشفى بسببك! انا بحبها ونفسي اكون متشافه بجد الاحسن اني افضل ساكتة خالص ده انا حتى كان نفسي اتخطب زي اختي علشان يحبوني ويهتمو بيا واغلبية الناس بتكرهني لاني مش بعرف اصاحب وغالبا علاقاتي بتكون شغل وبس مش بهزر وكده تعبت بجد ولما بسكت وبكتم بيبدأ ده يأثر على الحالة الجسدية والنفسية قدامهم كويسه وبضحك وانا في الحقيقه عكس ده خالص