كنا مرتبطين لمدة سنة وكام شهر . سابتني و انا ف الجيش و اتخطبت و من كلامها ان الموضوع مكنش وليد اللحظه كان في كلام واتفاقات قبله - ف الاغلب حسب سياق الكلام- الموضوع انتهى بكل احترام وتفاهم و حب عشان انا فعلا بحبها و بدهيلها و دعيتلها كتير . فضلت قرب سنة مرتبطه ومخطوبه مكملتش سنة تقريبا وعرفت مؤخرا انها مفركشة من اكتر من سنه . انا واقف عندها و مش عارف اتقبل غيرها و مش عارف ادي حتى فرصه لغيرها و هى ونعم الشخص بامانه ربنا ..حاليا مفيش حد ف حياتها بس انا ف الظروف ال احنا فيها دي انا نفسي و بتمنى و بدعي ربنا انه يساعدني اني ادخل الباب من بيته باي شكل مش حابب اني اكلمها او ابعتلها عايز ادخل البيت من بابه و فعلا عايزها بس الظروف و الدنيا مش مساعده نهائي شغلي مرتبي ع قد ال بصرفه عشان اروح بيه الشغل طول الشهر يمكن بستلف فوقه كمان و مش عارف الاقي شغل غيره او اسيبه . عقلي بيوزني ادخل اكلمها بس انا واعد ربنا وعد اني مش هكلمها غير لما اكون ف بيتها و للاسف لا عارف اتبسط ولا عارف الاقي شغل تاني ولا عارف اعيش حياتي و ديما ملازمه تفكيري طول الوقت مفيش حاحه بايدي اعملها و مش عارف اطلع م الزون دي قدام الناس مفيش اي حجاه و محدش بيحس بحاجه غير اني تمام و اموري ماشيه و مبتسم بس انا من جوايا متدمر و هل اصلا لو حاولت ايه يضمنلي اني اتقبل او هي تكون قبلاني من تاني