انا مش قادر اعمل اي حاجة في حياتي عندي عشرين سنة معجب ببنت هي بنت صديق والدي شايفها بنت كويسة هي محترمة ومؤدبة وعندها حياء شديد وجميلة قبل ما اشوفها كنت عادي شوية يعني بس بعد كده حسيت اني انسان فاضي اوي (انا حاسس بكده من زمان )يمكن عشان معنديش خبرة في الحياة محدش بيحبني غير ابويا وامي فقط وده طبيعي لاني ابنهم بس لو علي شخصيتي محدش هيحبني بدأت افكر مبعرفش اتكلم مع حد دمي مش خفيف مش بعرف اهزر كل ماحد يكلمني بقول اه وخلاص انتم فاهمني؟ معنديش حاجة اقولها محدش بيحترمني لاني مش بعرف اتعامل مع الناس معنديش اصحاب كتير ومبعرفش اعمل ذكريات حلوة مع حد كنت فاكر زمان ان ده ممكن يتحل بالدوا لكن كنت غلطان لما جربت الدوا دخلني في مشاكل وامراض اخري زي القلق الزيادة عشان كده معنديش طاقة اكمل في اي حاجة في حياتي عشان هعيش وحيد شعور الرفض ده وحش اوي بقول لنفسي يعني هتخرج واشتغل واعمل ده لمين هستفاد بإيه لو بقيت اغني واحد في العالم وانا وحيد .ابويا وامي انا بحبهم جدا وعايزهم يبقو معايا علطول بس هما كبار في السن وانا لما اكبر هعيش لوحدي معنديش شغف اكمل في الكلية ولا اعمل اي حاجة عايز اسيب الكلية بس اهلي ضاغطين عليا جامد لو يعرفو اللي جوايا بس انا مش عايز اقول لحد مش عارف اعيش حياتي طبيعي اوقات بفكر اني اخلص الكلية واشتغل واتقدملها واعيش حياة سعيدة بس اعتقد اني بطلب كتير بحاول دلوقتي اركز علي الاخرة اكتر الصلاة والعبادات التانية بس حاسس بشعور قهر اني هبقي لوحدي في وقت ما اتمني ان يومي يجي بدري.... ممكن نصيحة اعمل ايه
لو نزلت شغل شخصيتك هتتحسن وهتكتشف حجات ومميزات فيك مكنتش واخد بالك منها