انا معنديش مخلوق ينفع أتكلم معاه ومفيش حتي ف معنديش غير المكان دا اتكلم فيه .. أنا حالياً رجعت لفترة مكنتش حاببها وقعدت كتير عشان انساها بس بعد السنين دي كلها انا مش عارف اعيش طبيعي ومش عارف اخرج وحتي مفيش حد ينفع اتكلم معاه ومش عارف اتصرف وحتي جربت فكرة اني اروح لثيرابي وكنت بتابع مع دكتورة جنب الجلسات بس كانت تجربة بشعة بتاعه العلاج دي وكنت مرتاح مع الاخصائي دا ومبسوط ان فيه حد بتكلم معاه ويفهمني وبيديني حلول مختلفة وكفاية اني بتكلم ومن وقتها بقالي سنة ونص دلوقتي اهلي رافضين اروح ولو جلستين ف الشهر حتي وبحاول ارجع لدراستي واقوم تاني بس انا مش قادر اعمل حاجة لوحدي حتي امي مبقتش حتي اخرج من اوضتي عشان كل كلامها بشع ومعرفش جايبه الطاقة دي كلها منين انها تقعد تضيق عليا حياتي كدا وحتي لسة متكلمين من كام يوم وقالتلي خلاص اعتبر ان ليك معايا جلستين ف الأسبوع وقالتلي احكي كل حاجة متضايق منها ومحتاجها ومن وقتها مشوفتهاش ونفس طريقتها رجعت تاني ونفس الزعيق والنظرات المقرفة والكلام المقرف أكتر .. أنا حتي لما بحاول اهرب بدخل اوضتي اللي مبقتش طايقها وخلاص دا اخري مش قادر اعمل حاجه اكتر من كدا انا حتي قولتلها انا محتاج كذا وقالتلي حاضر احنا هنحاول نعمل اللي علينا معاك وبتاع وفعلاً مقصرين وهنحاول نتغير بس مفيش حاجة حصلت وانا مبقتش مستحمل منها نص كلمة حرفياً وبقيت مضغوط ان الوقت بيعدي وانا لوحدي تماماً ومعزول عن الدنيا كلها ومبقتش فاهم ولا عارف ومحتاج حد جنبي يسمعني ويفهمني ويوجهني من غير ما يلوم عليا ويجلدني عشان انا بردوا بني آدم مستحملش اكتر من كدا لوحدي وكنت بشتغل قبل فترة العلاج بس عمري ما فكرت اروح لثرابي من وراهم واحترمت كلمتهم بس هما مراعوش مشاعري ولا عملوا حسابي ف حاجة وحالياً ميت لا قادر اقوم ولا اتحرك وحتي حاولت اليومين اللي فاتوا اقوم بس كل مرة تحصل حاجة تجيبني الأرض تاني وحتي لما بطلت العلاج مرة واحدة وكان علاج غلط اصلا جسمي اتبهدل وقتها ولسة مأثر عليا لحد دلوقتي