منذ 4 ساعاتيشعر بـ ضائع
انا عمرى ٣٢ سنة وبدور على الله ومش لاقيه كتير صليت ومش لاقيه كتير صومت ومش لاقيه. بالعكس أنا كل ما بيعدى يوم ببقى اوحش من اليوم اللى قبله وبحس انى عايش بدون هدف ولا لازمه انا مش متزوج وحاسس أنها حياه تناسليه مش اكتر انا نفسى اموت وأشوف ما بعد الحياة اللى عايشينها تقريبا مش هلاقى حاجة ولو لقيت هلاقى ربنا اللى بصليله واصوم علشان ابقى كويس فى الارض وانا مش لاقى. نفسى اموت
طب اقولك انا جدتي كانت ست ما شاء الله عليها لسانها رطب بذكر الله طول الوقت مش بتلت وتعجن في الكلام صلواتها ونوافلها اهم حاجة في حياتها حتي التلفزيون كانت تتفرج علي محمد حسان ومصطفى العدوي وغيره جدتي وهي بتموت في المستشفى بسبب صحتها (ربنا يجعله في ميزان حسناتها) أقسم بالله قبل مروحها تطلع بلحظات كانت فرحانه ومبسوطه وبتقولنا ودوني هناك وبتشاور علي مكان معين في الأوضه وكانت طايرة من الفرحة شكينا انها روحها هتطلع ودا اللي حصل فعلاً دا موقف حصل قدامي الله اعلم شافت ايه في علم لغيب مش مكشوف عننا
ربنا عمره ما هيسيبك يا أفوكادو طول مانت عامل اللي عليك والموت بيكون بأمره ولو انت حياتك وفايدتك في الدنيا انتهت وجودك هينتهي وربنا مخليك عايش في الدنيا عشان لسه هدفك ما نتهاش
بعد الشر يا صاحبي متقولش كده ربنا يطول ف عمرك ارجع ل ربنا تاني وتالت ورابع عادي ربنا مستنيك ف اي وقت وربنا يهديك ويصلح حالك يارب 🤍