السلام عليكم ، لوكان محسيتش بلي صايي منقدرش نشد كثر كان راني زدت صبرت مي الله غالب مقدرتش نحمل، العام ليفات كنت لباس عليا نصلي ونقرا قرآن ونحب فواش راني ندير كي شغل مقدسة هذو الصوالح تع يومي ميكملش بلا بيهم الحمدلله كنت مهنية في راسي ومام نفسيا المهم كنت بزاف الاز و سعيدة ذيك الفترة نقدر نختاصرها بكنت في نعمة ميحسلها غير لي جربها كان عامي تع الباك والحمدلله جبتو مور النتيجة موليتش كامل أنا خصوصا بعد اني مجبتش المعدل لي كنت حاباتو ومتوقعاتوا و زيد مديتش التخصص لي حبيتو وهذاك النهار مفرحتش كامل و زيد مام ختي مجابتوش جازو كاش شهرين ولا وليت نصلي فوق القلب منبعد نولي نورمال وهكا... ايا مع الوقت وليت كارهة الصلاة ومنحبش نصلي ولا نقرا القرآن وليت نفورصي روحي ومام نفسيا كنت مدمرة يعني حرفيا في معاناة دخلت للافاك بتخصص ماشي حاباتو زيرو شغف و بقيت غير نخمم فكيفاش كنت وكيفاش وليت وضرك نورمالمون راني وصلت لعام بذا الحال صدقوني يا خاوتي غير قلبي مزير عليا منقدر ندير والو كنت نحب نكتب ونقرا كرهتهم وراحلي الشغف فيهم شعري منقدرش نمشطو وليت كسولة منحب ندير والو يعني محبستش غير فالصلاة وكي يهدرلي كش واحد عليها نتقلق ونولي نعيط ونقولهم مدخلوش روحكم فيا وليت نحس روحي مهبولة سييت نحط ليبوست وندي راي الناس كامل داخلين عليا جربي ترجعي ادعي يا عباد ربي منيش قادرة مراني قادرة ندير والو حرفيا سييت نصلي ونبكي مقدرتش نبكي نسيي ندعي ولا نستغفر والو لساني ينعقد وكي نصلي نتقلق ويثقالو كتافي كرهت دارنا كرهت الناس حتى خممت فالانت*ار ولي راو شادني على ذا شي غير اني حشمانة بواش نقابل ربي كي نخمم فسوجي هذا نحس قلبي قاعد يتقطع نتخنق وليت نقول كون غير مت* فالوقت لي كنت متقربة فيه لربي راني خايفة بزاف نموت وانا هكا مشي قادرة نولي ماشي فكرة الموت لي خوفتني انما ربي واش نقولو معنديش اعذار حتى باش نخرج لي في قلبي منقدرش نبكي غير الا حكمتني panic attack والبكاء هذا يكون هستيري وانا منحبش نبكي قدام دارنا واش ندير خلاص عييت وقطعت لياس متقولوليش جربي ياخاوتي والله غير جربت شحال من مرة حاولت نولي كي كنت ومقدرتش واش ندير حاسة هاذي الدنيا كامل متوسعنيش