أتمني ولو شخص واحد يقرأ كلامي عشان انا كل حلولي انتهت .. أنا بقالي حوالي 8 سنين تقريباً معزول عن الناس .. مش بروح مدارس ولا دروس وبروح الامتحانات بس حتي لما دخلت ثانوي وكنت الأول ف تالتة اعدادي دخلت ثانوي منازل عشان مش عايز اروح مدرسة ولحد دلوقتي قافل علي نفسي .. كنت بخرج علي فترات بس مش بحب أقرب من حد وف نفس الوقت ف الشارع بتعامل طبيعي بس بخبي كل مخاوفي وقلقي وقرفي من حاجات كتير اوي ودا مصعبها عليا اوي وف السنين دي حصلت صدمات كتير اوي ورا بعض وصعبة مقدرتش اتعامل معاها وملقتش اهلي جنبي وكمان اهلي كانوا جزء كبير منها علي الرغم من اني كنت ساكت طول الوقت وقافل علي نفسي ومش بقرب منهم بس مكنوش بيسيبوني ف حالي ساعة علي بعضها ولحد دلوقتي مش عايز اقرب من حد علي ارض الواقع عشان مبحبش اقرب وبقرف لما بسلم علي حد معرفش ليه ومبثقش ف حد .. وف الفترة الكبيرة دي كنت بتعالج نفسي حوالي 6 شهور وكام اسبوع وعرفت انهم استغلوني ونصبوا عليا وحاجات كتير كدا .. حاليا مش قادر احدد فين المشكلة بس فيه كمية عقد كتير اوي مش قادر احلها لوحدي .. وبعتذر علي كل الكلام الكتير اوي دا