الحاجات والاماكن والاكلات دي اشياء ماديه احنا اللي بنضيف ليها معني معنا المكان اللي بروحه بكون مبسوط مش من فراغ ممكن عشان كان في حد معايا انا بحبه او ممكن عشان كان في مواقف حلوه حصلت فيه وده بيبرر نظريه اختلاف الاذواق

لاحظت الحاجه دي لما كنت بعمل حاجه بحبها باستمرار عشان بشاركها معاه دلوقتي مش بعملها خالص ومش بيبقا ليا نفس اعملها ولو عملتها ببقا مش مبسوطه زي الاول

مع الوقت هتدرك ان ربطك لوجود الشخص هو اللي بيدي طعم للحاجه او مكانتها عندك ده ربط مش صح قعدت سنين كبروحش مكان بحبه عشان كنا بنتقابل فيه ولما جربت وروحت كان الوضع مختلف كان اريح اه في ذكريات بس تمام عدت كان وقت حلو بس خلص

بس مش دايما وجود الناس بيكون ميزة ف حد ذاته.. ساعات انك تكون لوحدك افضل بكتير يعني انا اكتر اوقات بستمتع بيها لما بكون لوحدى واعمل الشئ الى بحبه .. لكن فكرة اعتماد مودك او تقبلك لشئ ع اساس وجود شخص معين دا ممكن بفرحك كام مرة لكن فجاة الشخص دا ممكن ميبقاش موجود لاى سبب او يتغير او حتى ظروفة متبقاش مناسبة يكون معاك طول الوقت.. لذلك بحس ان لازم يكون عندنا قدر من الاستمتاع لوحدنا والاشخاص ممكن نبدلهم بشخص خيالى ف رواية نقرأها مثلا..

والموضوع كله قائم علي الحاله النفسيه يعني لو في حاجه انا على طول بعملها لما بكون متضايق لو عملتها وانا مش متضايق هيصيبني شعور الضيق لان في ذاكره في العقل الباطني تغذت بالمعلومه دي الحوار برده داخل فيه الشق النفسي بشكل كبير