قد تبدو انها مش مشكلة و حاجة تافهة عند البعض.. و اولا مش عاوزة نصايح تقولى فيها ازاى اسعد نفسي في اليوم ده او اعمل اى بطريقة تانية علشان افرح لأن وش كده مش هفرح عادى برضو.. المهم، بما انى خريجة إلا كام يوم و كده ف الفيس عبارة عن بوستات تخرج بقى و الحاجات الحلوة دى، هو اه فعلا انا خدت قرار انى مش هحضر حفلة التخرج علشان ربنا، بس فى احساس بيجيلي غصب عني كل ما اشوف ريلز او صور او بوستات اللى هو بحس نفسي غريبة يعني مش حاسة انى هتخرج زيهم كده حاسة انى مش منهم اصلا مع انى و الله خريجة بإذن الله كمان كام يوم، بس مش عارفة برضو فى اى؟! من شوية قابلنى بوست ضحك ان رفايع التخرج طلعت اكتر من رفايع جهاز العروسة، ف استغربت و قولت اشوف التعليقات، ف بجد لقيت كله متفق و بيضحك و بيأكدوا الكلام، اللى هو بجد كان نفسي احس احساسكم بس للأسف مش حاسه، هو ممكن مثلا يقصدوا اللبس و الورد و الكاب و الوشاح و كل الحاجات دى، بس مش حاجات كتيرة يعني عادى؟! تعرفوا انى كنت بحلم بحفلة التخرج دى و كنت محتفظة ب فيديوهات علشان اعملها و كنت مخططة اجهز حاجاتى اونلاين مش استلمها من الكلية علشانك تبقى ب ماتريل حلوة و نضيفة و كنت فكرت ف لون الوشاح و الكاب و لون الدريس و الخمار و النقاب و الكوتش كنت مخططة ان اللى هيتكتب على الكاب هيكون بقلمي مش مقولة عادية واو بجد حتى كنت مجهزة استايل بوكيه الورد اللى مكنتش عارفة اصلا مين هيجيبه ليا، بس تعرفوا نسيت اى نسيت اهم حاجة، نسيت انى لوحدى و معنديش حد يحضر معايا اصلا او يحتفل بيا ف عادى محصلة بعدها ❤️🩹 زى ما كنت راسمه تفاصيل اليوم بوجودك فيه يا بدر💔
اللي انتي فيه ده شعور مؤقت وخنقه مؤقته .. مض هيتغير غير لما تخوضي التجربه حتي لو فالاول من غير احساس بالفرحه .. ابسطي نفسك بنفسك متستنيش حد ياخدلك الخطوه ✌️✌️🌸
يريتك كونتي اختي كونت هبقا معاكي طول يوم نفرح سواا لني تحرمت من لإحساس ده مكملتش تعليمي بس معلش ياحبيبتي كفايا انك نجاحه وشطوره بقيتي خريجه قد الدنيا لو عزتي اي حاجه موون موجوده أن شاء الله ربنا يعوض تبقي بقا عروسه قد دنيا عن قريب
فاهمك وعادى موضوع التكلفه دا فى ناس ممكن متكلفش نفسها غير التيكيت وحاجات من عندها مش لازم حاجه مخصوص بس لو الموضوع دينيا مقدرش اتدخل فيه دى حاجه بينك وبين ربنا بس بالنسبه للشعور فانا متخرج بقالى سنه ولسه حاسس انى طالب عادى جدا ولو روحت الكليه عشان ورق او حاجه مبحسش انى كبرت عالمكان دا عادى الفرحه بتيجى لما بتتكيفى مع اللى حواليكى يعنى مستحيل تروحى فرح كله بيرقص تقعد ف نص الستيدج تعيطى الا لو طبعا دموع فرحه بس انتى فاهمه قصدى ف عادى دا شعور عادى خلصى امتحاناتك وحاولى تشوفى اهدافك اللى جايه عشان متخشيش فى توهان
و طلما نيتك لله ف عوض ربنا احسن من مليون حفله تخرج مع ان مش عارف لو فيها حاجه حرام اصلا😃
انا مريت بكل دا و تفاصيل تانيه كتير و بقولك هتفرحي عادي احنا الشيطان ربط عندنا الفرحه بافعال معينه مليانه ذنوب كتير فمبقيناش عارفين نتصور طريقه تاتيه للفرحه بس الواقع ان في ملوين طريقه واحلي كمان عادي وشعورك انك وعلانه دا طبيعي بس خليكي واثقه فقرارك بعدين ما ناي طتبر بتحضرها و بتندم بجد بسبب حاجات كتير غير انها حرام فانت مش هيفووك طتير يعني و تقدري تعملي حفله فالبيت مع عيتك علي راحتكم
انا مقدر ان زعلانه علي فرق الشخص ده مها كانت اي هيا العلاقه الي كانت بنكم ف الدنيا لازم متمش حته لو روحتي لوحدك عادي يوم مش بيجي غير مره يعني