انا عندي ٢٧ سنة و حابب اسمع رأيكوا. انا شخص كويس، على أقل انا متأكد من كده، انا حياتي كلها بتعامل مع الناس بالشوكة و السكينة حتى اقرب الناس ليا الاقي واحد صاحبي مثلا متضايق او مهموم اهزر معاه او اخرجه من المود عموما حتى في الشغل نفس الكلام، و علاقتي كويسة مع الناس، اكيد انا مش شخص بيرفكت اكيد ليا وقعات و بقع في الغلط، على الأقل بعترف بغلطي و بحاول مكررهاش و احسن من نفسي مشكلتي في حاجتين بس، انا دلوقتي وحيد لوالدي و والدتي، الناس فاكرة ان دي حاجة حلوة عشان انا واخد كل الاهتمام و بيعملوا اللي انا عايزه لا غلط خالص ده جحيم، بيقفولي على الكعبلة مش الوقعة، اصحى يوم اجازتي الاقي والدي قاعدلي بقا انت مكلمتش قرايبك سايب مستقبلك انت مبتتصلش بيا انت مبتسلمش عليا و انت و انت و انت و يسمعني كلمتين و يضرب كف على كف و يخش اوضته بعدين يرجع في نفس اليوم يلاقيني متضايق و واخد جنب يقولي ايه اللي مضايقك، طبعا لو قلتله انه هو اللي مضايقني يتجن عليا بقا ف بكتفي بكلمة مفيش ونا اللي اتجن و والدتي في حالة لا مبالاة بقا مني ولا اصلا معبراني لما كبرت و بقيت شحط و لما كنت عيل صغير كانت بتضربني و تزعقلي و تتف عليا من غير ما تفهمني الصح من الغلط. الحاجة التانية: البنات، انا دايما بتعامل مع البنات عادي، بس مش بلاقيهم مهتمين بالكلام معايا، مش قصدي عشان ارتباط و كده و مش ده اللي مضايقني اصلا، انا لو هتكلم مع بنت معرفهاش او غريبة عني هيبقا لغرض الجواز مش اللعب، اللي مضايقني اني بتكلم معاه بطريقة كويسة و تعجب الانسان العادي، ميحبوش الطريقة دي، و اقول يمكن منظري او شكلي او شخصيتي مش عاجباهم، افاجأ بقا ان واحد منظره ابغض مني ١٠٠ مرة او واحد شمام، حرفيا شمام شوارعجي، هي بتتكلم معاه و تهزر و تضحك، طب و ليه ؟ ماهو معندوش مستقبل ليكي ونا لو شايفك كويسة و بتعامليني كويس ممكن اجيلك على جواز. مجرد التفكير في الحاجات دي ساعات بيشلني
حقك تتكلم ف كل الحجات دي طبيعي واحييك اولا مش ممكن يكون البنت اللى انت اتكلمت معاها دى ع طول ببصادف انها مش ذكيه لدرجة انها تحدد الولد ده جامد ولا لا ف بتبقي مبسوطه مع الواد الشمام م هى اصلا اختارتها غلط هى غبيه نعملها اى بالنسبه للاب انا ابويا احنا عايشين ف البيت اهه و ممكن يعدى اسابيع ورا بعض كامله قسما بالله و منتكلمش دى حاجه وحشه طبعا بس انا مش عارف بقي. نسبة كبيرة جدا أن الاباء بيبقو لنا بيقعدو غ البيت بقي بيبدأ يتدخل ف كل حاجه ويتكلم ع كل حاجه و بيطهأ كل البيت ف عيشته نسية كبيره من الاباء امك دى بقي انا اعرف صاحبي كانت امه بتلسعه بالمعلقه سخنه امى كانت بتعجننننى عجن اصلا اغلب الأمهات دماغهم ف البلالااااااا يعمنا دى مش حاجه وحشه مش قصدى اقصد انك تشوف هى دماغها على اى وتتماشي معاه امك بالذاااات ف الحته دى ممكن بقي شويه حجات عامه كده نشيك عليها نشوفك أخبارها اى التدين بقي انت ملتزم لدرجه كبيره ولا متوسطه ولا ضعيفة مع العلم انك لو مش ملتزم بدرجة كبيرة ف انت تعتبر مش ملتزم اصلا ده تصنيف انا حطيته بهزر 😂 المهم صحابك يا معلم عندك صحاب وعدد يكون اكتر من ٥ و اكتر من ٢٠ زميل شغلك!
بالنسبة لوالديك ربنا يحفظهم ويكرمهم فده حال الاغلبية بصراحة وده ظلم شديد لا يرضاه الله وهيتحاسبوا على كل كبيرة وصغيرة حتى لو تكشيرة او نظرة عين من ساعة ما اتولدت لانه انت أمانة وبر الأبناء واجب وعقوقهم كبيرة من الكبائر عندهم . بس برضو انت اكيد عارف انه بر الوالدين واجب وعقوقهم من الكبائر برضو ، بس لازم تقرأ عن بر الوالدين عشان تعرف الفرق بين برهم ورضاهم عشان بر الوالدين مش معناه الطاعة المطلقة او تعمل اللي يرضيهم اياً يكن. فاتعلم الحاجات دي وخلي نفسك في السليم واي أذى يجيلك فإنن مأجور عليه إن شاء الله. بالنسبة للبنات ، انا مش عارفة الصورة كلها ولا اعرف طريقة تعاملك معاهم فمقدرش احكم. بس باين عليك راجل عايز الحلال فيمكن اختيارك للبنات غلط عشان البنت اللي بتعجب بواحد شمام وملوش مستقبل دي اصلا بنت دماغها بايظة ولا هتفيدك في حاجة وهتطلع عينك والحمدلله ربنا بعدها عنك. البنت اللي هتبسطك بجد بتبقى بنت حلال وعايزة حد سوي جاد عايز الحلال يكون مؤدب ومحترم ويصونها. بحس معظم الرجالة مش بتنتبه انه احنا كبنات أنواع كتير في مننا الصالح والطالح عادي زيكم.
كلام يُحترم بس ليه المقالات😔
والله ع قد م حياتك ممكن تكون مجايقاك الا انها مثاليه لناس كتير يعمنا احمج ربنا وحاول تعدل اللى ممكن يتعدل وتتأقلم مع اللى تعرف تتاقلم معاه و سيب الباقي ع ربنا بسسس، حاسسنى اتكلمت كتير المرة دى بذلت مجهود 😪