بقالي فتره بحاول اتمالك نفسي وافكر في مستقبلي وحياتي القادمه وبقعد اتناقش مع نفسي كده كأني هتخطب بكره مثلا بس فالاخر كل ده بيتدمر مع كل زياره لدكتور واقعد افكر ازاي ممكن واحده زيي تتجوز مين هيصبر عليا اصلا وانا مريضه وكل الافكار الي معرفش ليه بتخطر فبالي بس عشت وبعيش رحله مع المرض مرهقه شويه الحمدلله احسن من غيري كتيييرررر بس مع ذلك لازم اتقبل الواقع او افكر فيه بعقلانيه بحاول احافظ على نفسي وصحتي بس الموضوع مرهق خصوصا اني مره سمعت ماما شخصيا لما كانوا بيدوروا على عروسه لخالي وعِرفت ان عندها مرض بسيط مش فاكره ايه هو قالت لا لا يعم مناخدش واحده مريضه لو تعبت فبيتنا معلش انما مناخدهاش عيانه وانا غصب عني بفكر فالموضوع وفإنه ممكن يأثر في حاجه زي دي ودي سُنه الحياه يعني ومين منفسهوش يكمل حياته مع شخص يحبه ويكمل نص دينه زي ما بيقولوا معرفش حاسه اني باوفرثينك بس ايه رأيكم
لا توجد نصائح بعد
قدّم نصيحة