منذ 8 ساعاتيشعر بـ غبي
عشان تقدر تعيش في المجتمع دا بشكل خاص والعالم كله بشكل عام عندك حل من الاتنين يااما تتقبل العبث الي هتشوفه كل يوم وتحوله الي مادة للسخرية والضحك وتقلل من نفسك وتركن عقلك وتمشي ورا القطيع وتبقي نسخة منهم بدون اي ادراك لهويتك ولا لدينك والحل التاني انك تعيش في جحيم الوعي والنضج والتميز الي هيحسسك انك مختلف عن باقي الناس والناس مختلفة عنك وهتبدأ تشوف الحاجات بمنظورها الطبيعي وهتسمي الاسماء بمسيتها الحقيقية تبدأ تشمئز من كل شيئ حواليك وكل الناس هتحس انك لوحدك في العالم الي شايف مهازل محدش غيرك مستوعبها ومش مدركين المنحدر الي احنا نازلين فيه هنا هتقف في صراع كبير جواك صراع بين عقلك وبين هواك امشي ورا القطيع عشان محسش اني لوحدي ولا امشي ورا عقلي واعيش في جحيم الوعي دا لوحدي! وهنا يكمن الاختبار هل الانسان مخير ام مسير؟
انت جبت الخلاصة
الانسان مخير ومسير في نفس الوقت. مثال مثلا هو مسير أنه هيكبر بنفس طبيعة البشر ولما يجي يتكاثر هيبقى نفس طريقة البشر وفي موته بيموت بنفس طريقة البشر يعني مش مثلا الناس بتكبر طبيعي عادي مع الوقت زي اي بشر طبيعيين وكده وهو بيكبر من ضوء القمر يعني؟ اكيد لأ. ...مخير في طريقة وأسلوب حياته بقا أنه يمشي ورا القطيع او لا يعيش في ذنوب او لا يظلم ويفتري او لأ والخ. أحسن حاجه متمشيش ورا القطيع وخليك مع ناس شبهك لأن حتى لو الدنيا كلها ضدك أنت ضمنت إنك عقلك لسه مش متعفن زي باقي الناس حواليك واكيد هتلاقي ناس شبهك حتى لو قليلين...ده رأيي الشخصي. طبيعي تتهاجم من القطيع إلي موجود عادي جدا بس تظ متهتمش لهم يعني. بس أختار معاركك بردو يعني لو واحد جاهل ولا رجى منه مثلا او ناس كده مترهقش نفسك اوي بنقاشهم لأنهم كده كده مش هيفهمو ولا عايزين يفهمو ومش هيقبلو ف فكك منهم. إذا نطق السفيه فلا تجبه فخير من إجابته السكوت. وزي ما قلت...ده مجرد رأيي الشخصي.
ثواب وعقاب كل زمن مختلف عن التانى حسب المُغريات والملهيات ثباتك على هويتك لوحده احيانًا بيكون إنتصار عظيم لنفسك ولدينك ولأهلك.. واهتزازها وعدم إدراكك لـ(إنت مين) بردو طبيعى.. المهم إن يكون عندك الأسباب القووووية اللى تقنعك تتخلى عن كل العبث ده وتختار طريق محدش بيمشى فيه غير اللى ربنا اصطفاهم 😊