حاصل معايا موقف ممكن متكرر مع ناس كتير اوي بس حقيقي هو مأثر فيا بطريقه بشعه انا اهلي منفصلين من وانا سنتين غالبا او حاجه قريبه من السن دا وكنت قاعده مع بابا عند جدتي وكان معانا عمتي وبناتها ومن صغري متعودة اقول لعمتي دي ماما وبناتها دول اخواتي لحد مابقي عندي تسع عشر سنين وعرفت الموضوع في الاول مكنش فارق معايا زي دلوقتي لاني كنت طفله ومش هاممني حاجه غير الحاجات الي بتلهي اي طفل فامكنتش بركز في الحاجات دي ولا فرق معايا اعرف مين امي لاني عمري ماشفتها كبرت وبقيت في اعدادي وبدات اخد بالي من الموضوع قد اي حاسه اني مختلفه بين اصحابي ديما صحابي امهاتهم كانت تستناهم في المدرسه ايام الامتحنات والمواقف دي فاكنت بحس الي هو اشمعنا انا مبيحصلش معايا كدا وكبرت اكتر والمواقف بتكتر بس كنت تخطاها الحمدالله بس اول مادخلت ثانوي قررت اني لازم اعرف مامت مين وجمعت شجاعتي وكلمت بابا وطلبت منو يخليني اتواصل معاها او اشوفها والصراحه مرفضش بس هو قالي انو مش معاه رقمها وانها بترن عليه من ارقام كشك صغير مثلا عندها في المنطقه بتاعتها وبتخاف ترن من رقمها عشان هي دلوقتي متجوزه فاخايفه من جوزها يعني وكدا بس صراحه بابا مقصرش وحاول يوصلها بس جت صدفه وهي نفسها رنت بعد ماكلمتو ب يومين تلاته وبابا عرفها اني محتاجه اتعرف عليها وهي وافقت وحددت معاد نخرج فيه وجي اليوم الي المفروض نتقابل فيه جهزت انا وبابا ونزلنا وقاعدين مستنينها ترن علي بابا تقولو انها في المكان الفولاني ونروحلهااليوم دا كان رعب بلنسبالي كانت مشاعري متلغبطه خوف وتوتر لانها بلنسبالي شخص غريب عمري ماشفتو وصعب عليا اقولها ماما لاني عمري ماقولتها لحد غير عمتي المهم فضلنا مستنين ساعه اتنين خمسه مرنتش وقتها حسيت باحباط رهيب وحسستني بلرفض وانها مش عيزاني طبعا مبينتش دا قدام بابا لاني مش متعودة ابين مشاعري لحد بس هو حاول يغير الحو ويتكلم معايا في كذا حاجه ويسال علي دراستي ومواضيع كلام من دي بس انا من جوايا كنت صعبانه عليا نفسي تاني وم رنت علي بابا وقعدت تقول مقدرتش اجي ومش عارفه اي فابابا لما قالي قولتلو لو كلمتك علي اننا ننزل تاني قولها لا فاسالني ليه قولتلو عادي هي مش عيزاني فاانا كمان مش عيزاها برغم ان الجمله دي تقيله اوي بلنسبالي وكلها كدب لاني عيزاها جدا بس هي فعلا سبب في جرح كبير في قلبي خلتني متوقعه ان اي حد هيسيبني لاني مستاهلش واني هترفض زي ماهي رفضتني والشعور دا بجد بلنسبالي صعب بطريقه وحشه وحاليا انا مازلت بحاول اوصلها بنفسي حتي لو اكلمها شات ومش عارفه وبرضو بتصعب عليا نفسي انها مبتحاولش توصلي زي ماانا بحاول بس اتمني اني اوصلها ومش عارفه ازاي لو حد يعرف اي طريقه ممكن اولها بيها ياريت يعرفني