حسابي هيتحذف و ده البوست الوحيد اللي هكتبه .. انا 22 سنه بحاول اخلي حياتي تكون افضل ولكن محاولات بطيئة جدا جدا و صغيرة اوي ، اتخرجت ومش لاقيه شغل و حاسه بالفشل ولكن بحاول اتجاوز ده، عندي امنيات كتير فالدنيا والله اعلم هحققها ولا لا، و زي اي بنوته حابه تحب و تتحب بس هو فالنهاية رزق و اتضحك عليا كتير بإسم الحب ولكن اتعلمت درس قاسي و فهمني كتير، انا حاليا ففترة البريود بتعتي و دي بتكون اصعب ايام حياتي، حياتي بتقلب ضلمة اوي وده اكيد بسبب عدم الصلاة فالفترة دي، معنديش صحاب ولا حد مقرب مني اخد رأيه ف بلوزة عجبتني مثلا، بس برضو معنديش امراض بتنهش فيا، و عندي اهل حتى لو كانو قاسيين شويه، و قدرت اتخرج من كلية عالية، و قدرت اواجه مخاوفي و اروح لدكتورة الاسنان لوحدي، وقدرت اخلص اوراق و اروح اماكن غريبة لاول مره، و كمان ركبت تاكسي لوحدي و مخفتش زي كل مره احسن السواق يزعقلي 😂، الهدف من البوست هو ان زي ما في فحياتنا جوانب سلبية و صعبه فهو في نعم برضو و كتير وانجازات حققناها مهما كان شكلها من بعيد بسيط! اه انا ففترة بجد صعبه بس ده مش معناه اني استسلم ليها و اغرق فالحزن من جديد، لازم نتعلم ان لما نقع نقوم و بسرعه و بشكل اقوى، لازم نفهم اننا بشر و مش مثاليين و بنغلط و بنعمل معاصي و بنبهدل الدنيا بس برضو بنقدر نصلحها من تاني، الحياة مش بتقف على غلطة، ولا على شخص، ولا على حلم معين، ولا عند انجاز معين ، ولا على فترة معينه.. الحياة مستمره و بتتغير مهما كان حالك دلوقتي فهو مش دائم فلو كانت لحظه حلوة استمتع بيها ولو كانت وحشه اطمن انها هتخلص و هتنتهي.