منذ 10 ساعاتيشعر بـ ضاق ذرعاً
لو سمحتوا هو ايه علاج ال overthinking بجد لأني حاسه اني بموت بالبطئ انا بس حابه أوضح اني مروحتش لدكتور نفسي قبل كدا بس انا تقريبا بيجيلي panic attacks يعني مثلا انا حاليا ضربات قلبي زايده وقاعده بعيط وقاعده بفكر في حاجات وحشه كتير وفي شعور مؤلم كدا انا مش عارفه اعبر عنه وحاسه اني خايفه من كل حاجه بجد يا رب لو الموت هو الحل ولو هو اللي هيسكت الاصوات اللي في دماغي فيا رب اموت انا اسفه لو كلامي وحش أو سلبي بزياده بس بجد انا بموت بالبطئ ومش عارف دي anxiety ولا ايه ومش عارفه اذاكر ومش قادره وخايفه من الحب ومن الخذلان وكل حاجه وفقدت الامل من الصداقه انا آسفه بجد لو كلامي متلخبط
بصي يا اختي ممكن تروحي لدكتور نفسي عادي او استعيني بربنا و ادعيه وهو هايطمن قلبك انشاء الله مانفكريش زياده عادتا ده بيكون ليه علاقه بالماضي ماتبصيش وراكي و بصي قدامك و سواء رحتي لدكتور نفسي او لاء خليكي مع ربنا ممكن تكوني بعيده هو علشان بيحبك بينبهك انك من غيره هاتبقي وحيده في عالم كله شر و خطر
السبب الرئيسى فى كل ده انك لوحدك جدا ومحتاجه للى يكون جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى شاغله دماغك ومخلياكى تايهه ومش عارفه تخدى اى قرار
السبب الرئيسى فى كل ده انك لوحدك جدا ومحتاجه للى يكون جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى شاغله دماغك ومخلياكى تايهه ومش عارفه تخدى اى قرار
العلاج إن ميكونش عندك وقت للأوفر ثينك أصلاا (مجرب)
التفكير الزيادة في حاجات وحشة حله الوحيد تسحلي نفسك في حاجات بتحبيها زي قراءة مذاكرة فرجة على افلام ومسلسلات رياضة بتحبيها او ڤيديوهات مضحكة او حاجة حابه تتعلميها، لازم تشغلي وقتك علشان ميبقاش عندك وقت تفكري في الحاجات السلبية وشوفي حد من اللى حواليكي تثقي في راية او حد من اصحابك بتحبيه يتابع معاكي حالتك وافكارك واحنا هنا معاكي في اي وقت متتردديش تبعتي لو عايزة تاخدي رأينا في حاجة ممكن نفيدك ونقدر نساعدك نخرجك من افكارك السلبية
ممكن يبقى عندك ocd عندك gad عندك حاجة تانية عموما متروحيش لدكتور لو مش ناوية تكملي اكتر من سنتين تلاتة علاج الموضوع مينفعش يقف في النص ولو وقف الوضوع هيبقى اسوا وممكن ميتحلش
السبب الرئيسي هو الفراغ وانعدام الهدف والعلاج المباشر ممارسة عمل تطوعي (ايتام - ارامل - فقراء - اطعام) تبع مؤسسة مشهرة رسميا وذات سمعة طيبة بالتوازي مع العرض على طبيب نفسي وان شاء الله الاعراض تختفي تماما كأنها مكانتش موجودة
أنا آسفة ليك و الله، ربنا يشفيك شفاء لا يغادر سقما يا رب، بس أحسن حاجة أنك بجد تروحي لأي دكتور أو مختص عشان تجيبي الموضوع من نهايته من غير حلول مؤقتة، هدعيلك علطول أنك تكوني بخير لأني فاهمة معاناتك بجد
لازم تروحي طبيب نفسي وفكك من كلام الناس
اشغلي نفسك با هوايات قربي من ربنا اكتر و كل لما تحسي انك علي الحافه حرفيا اقري قرأن او اعملي حاجه انتي بتحبيها او روحي اتكلمي مع حد حتي لو مش علي الموضوع اللي انتي متضايقه منه
القراءة و الحفظ و تعلم لغة البرمجة
ربنا يعينك وكل حاجة تبقا احسن بصي ذكر في القران ان النجوي من الشيطان ليحزن بها الذين امانو علشان التفكير الكتير استعيذي وداومي علي ذكر يشغلك عن النفكير وروحي لدكتور نفسي لان بانك اتاك ده حاجه صعبة اكيد وربنا يبدل حالك للاحسن
إشغلي وقتك بحاجات بتحبيها او انشطه جديده طوري من نفسك حبي نفسك و خلي نفسك اولويه (عارفه ان الموضوع صعب خالص ف الاول انا كنت زيك و كنت موت و مش بعرف انام و حتى ضهري كان بدأ يوجعني من كتر التفكير و الاعصاب المشدوده) بس واحده واحده حبي نفسك طوري من نفسك ذاكري كويس اوي مفيش حد بعد كظه هيفرق لك
وحاجة كمان انتي اكيد فيكي مميزات انتي شايفاها او حد من اللى حواليكي شايفها فيكي حاولي تنميها وتزوديها ومتركزيش على السلبيات علشان متزدش وتزود التفكير معاها وكل حاجة هتعدي على خير متقلقيش
اولا محتاجه تفرقي بين المخاوف الوهميه ( زلزال ، حرب ، موت .... الخ ) و بين المخاوف الواقعيه اللي ليها سبب ثانياً افضل حاجه عشان توقفي الترتيب انك منتوقفيهوش ، انتي بس محتاجه تنظمية ، اعمل خريطه زهنيه المشكله أو الموضوع و اكتبي كل اللي عاوزه تكتبيه تحت النقاط دي
م دكتور نفساني بس فيه شخص كان كلمني و هوه أوفر ثينكينج بشكل مفرط من الأبلكيشن هنا وهوه دلوقتي احسن كتير اووي م بقول اني علاج بس هخليك تشوف الدنيا بمنظور غير منظورك ليها
فعلا مشكلة كبيرة وكانت عندي بس مع الوقت هتهدي بس التفكير الزائد ممكن ميمشيش انا حتي شعري بيوقع يسببها انما العلاج الاستعانة بالله طبعا وانك تقعدي ١٥ دقيقة لوحدك في سلام من غير حاجة وكمان تتنفسي من بطنك بعمق علشان الأكسجين يدخل جسمك ويرجع الوظائف اللي ممكن يكون فيها مشكلة للعمل تاني بإذن الله وهتلاقي نفسك الأعراض بتروح واحدة واحدة يعني الدوخة والغثيان ومدة بإذن الله بس طبعا في الأول الموضوع هيبقي صعب شوية إنما بعد كدة بإذن الله هتتحسني جدا لو مشيتي علي الطريقة إن شاء الله من غير ما توقعي حاجة
أنا جربت الكتابة عاملة دفتر خاص نكتب فيه أي أي شي نفكر فيه أي احساس ، أو مرة تحسي احساس غريب لكن أول ما تبدي تكتبي افكارك كل راح تفرغ و مع الوقت راح تفهي واش حابة و وش هي اهدافك و مخاوفك و راح تعرفي واش لازمك تعملي
حاولى تروحى لدكتور او حاجة عشان الحوار ده مش بيتشال بس بيخلوكى تعرفى تتعاملى مع دماغك
بجد يا جماعه مش عارفه حقيقي ارد علي واحد واحد بس بجد شكرا لأهتمامكم وان انتوا بتحاولوا تساعدوني وتخففوا عني
نفس حالتي و الله
عادي هتبقي كويسة