جماعه عندي عادة الكلام مع نفسي كتير لدرجة بوقي بيوجعني قبل ما اذاكر او نص المذاكرة بحب اتكلم مع نفسي واناقش حوارات لكن الموضوع مؤذي واخر اليوم بوقي وجعني اوي مش قادرة ارد ع حد من اهلي او حتي اذاكر بصوت مش قادرة خلاص اكن طاقتي خلصت انا تعبت بجد والموضوع مؤثر عليا بالسلب ومؤذي حقيقي ، ياريت اللي يرد يكون مر بالوضع دا وعالجه يكون حل فعلا وبلاش هبد ، حل فعلي ودا ليه بيحصل نفسي ابطل اتكلم مع نفسي وحتي قبل الصلاة ممكن اقعد شويه اتكلم في ولا شيء وبعدين اصلي وتكون طاقتي انعدمت ، بجد الموضوع مؤذي ومش عارفه اسيطر عليه ، وموضوع قلل الوقت وبالتدريج كل دا كلام نظري صعب تنفيذه بحت المشكلة فين حقيقي مش عارفه الحل الحقيقي فين مش عارفه ، لكن متأكدة منه بابا مش بيكلم نفسه كده ماما مش بتكلم نفسها كده ، اخواتي مش كده ، كذا حد من صحابي بردو مش زي خالص طبيعيين عادي والوضع طبيعي، كل حاجة جايه معايا بادمان والموضوع مخليني في حالة إرهاق وضغط بجد صوتي رايح بجد
الموضوع ده اوقات كان بيحصل معايا بس بقيت بدل ما اكلم نفسي بصوت بقيت بتكلم معاها في النوتس احسن واكتب اللي انا عاوزه فمش برهق نفسي بالكلام وهكذا وممكن برده وقت ما تتكلمي اتكلمي مع حد عشان يكون فيه حدود لكلامك وميكونش مفتوح
انتي عندك مرض كدا مش فاكره اسمه بس هو مؤذي لينا ومعظمنه كدا بنخلق حاجات ف دماغنه ونتكلم فيها ونعمل موضوع ف دماغنه نحكي لحد ما نرهق نفسنا بصي دا غالباً عشان انتي بتقعدي لوحدك كتير مشاعرك مكبوته حاولي تطلعي دا حاولي تخرجي نفسك من المود دا والاوضه واشغلي يومك دايما متقعديش لوحدك اهم حاجع
بتعملي الحوار ده وانتي لوحدك ولا في التجمعات؟