الوقت دا الفوضي كانت أكبر من أي وقت فات .. الصراعات بيني وبين اللي اسمهم اهلي كبرت لدرجة انها وصلت للنهاية ف مستني بس اللي اسمه ابويا يطردني عشان امشي وقربت .. مراته ممشياه وكبتاه طول الوقت وبتقسيه علي ولاده رغم انهم كمان هيفشلوا زيي بس محدش مصدقني .. اللي اسمها امي هتهلكهم نفسياً وجسدياً وهتفضل تضربهم وتشغلهم زي العبيد كدا وهيفضل اللي اسمه ابويا يعاني ف حياته كلها بسببها بس ربنا عامي بصيرته مش شايف الشر اللي هد البيت اللي عاش عمره كله يبنيه .. مش ناسي منظر وشها مع انها حلوة بس اليوم دا شوفت الشيطان نفسه وكأن غضب ربنا كله اتحط ف وشها .. أنا حتي بدور علي شغل بعيد عشان قطعوا عني الأكل والشرب والفلوس اللي مكانتش موجودة وكل حاجه ولو لقيت حاجة هروح وهتصرف ف فلوس المواصلات .. بعيداً عن كل دا انا بتمني أشوف اللي اسمها أمي بتعاني ف حياتها لدرجة انها تتجنن عايز اشوف عدل ربنا ف الدنيا والآخرة .. بحق كل كلام قذر سمعته وكان بيقطع ف روحي وبحق كل مرة انضربت فيها وانا مليش ذنب ومعملتش حاجه وبحق الثانوية اللي امي بوظتهالي وبحق العلاج اللي قعدت ابلبعه شهور ومكنتش مستوعب وهي مهتمتش ولا تابعت ولا عملت اي حاجه وسابتني وبحق اليوم اللي قررت ابطل العلاج فيه واستحمل اعراض الانسحاب وسابتني مرمي بعيط طول النهار وبحق لما كنت هتسجن وسابتني وقالتلي شيل شيلتك لوحدك ورمتني وبحق كسرتي دلوقتي وانا قاعد مع ستي وبتقولي ملكش دعوه بيهم وخد مني انا وقاعد ساكت وباصص ف الأرض وبتقولي هو انت مكسوف مني مبقتش عارف أرد .. أبويا اللي شغال مع مساعد وزير مش عارف يكلم حد عشان ورقي لكن مدخل مليون واحد غيري شرطة ماشاءالله من كتر التقوي مش بيرضي ياخد فلوس من حد بس عند ابنه ومحروج يتكلم وبالرغم من كدا عرفت أعدي من غيره عادي وربنا كان معايا محدش غيره كان جنبي وساعدني .. الدنيا كلها شايفة اللي اسمها امي دي دماغها تعبانه سبحان الله لكن ازاي كل دول غلط وهي صح .. عمري ما هشوفه ابويا مهما حصل .. هشوفه دلدول مراته طول عمري عشان دي الحقيقة .. أنا هتصرف بس هما الخراب والغم مش هيفارقهم ولمجرد اني امشي من هنا هيعانوا بطريقة مش عارفينها هيندموا ف يوم اني مشيت بس حتي دي مش هيقدروا يعترفوا بيها .. هيلاقوا كلها حاجة صعبة ومش قادرين عليها لوحدهم عشان كدا أول ما بننينا البيت دا من 8 سنين ومشوفناش يوم كويس يوم واحد بس .. بس أنا كنت عارف ان دي خطوة غلط ومش صح وكانت لعنه ع البيت كلها اتفقروا والأمراض نزلت علي دماغهم وسنين ف المستشفيات واللي اسمها امي اتعملها سحر قعد معاها سنين .. وانا دخلت ف جسمي نظرة محدش قدر يخرجها بقالها ست سنين لحد دلوقتي .. أنا همشي بس هقف اتفرج عليكم من بعيد وانتوا عايشين ف عذاب مش هتقدروا تخلصوا منه ومش هتصعبوا عليا عشان ف يوم كنت مستعد اندبح عشانكم .. لن ننسي ولن نسامح للأبد