والنبي اسمعوني عشان أنا دماغي وجعتني و ردو كويس من غير ما تغلطو لاني فعلا مخنوقه مليش حد اتكلم معاه دلوقتي أنا حبيت واحد لدرجه متتوصفش بس كان بيضغطني نفسيا جدا المهم كان ديما عايزني في الشات و لو طلعت يبقي بسبب و اقوله السبب و ديه حاجه كانت بتدايقني بس بعد كده عرفت انها كانت حاجه تحفه و هوه كان كمان مش بيطلع من الشات غير لما يعني يبقي هياخد شاور الحاجات العاديه بس كان معايا علي طول احنا سبنا بعض و دخلت شخص تاني حياتي عشان معجب بيا و أنا اكيد مش هوقف حياتي علي الاكس بالرغم اني مش قادره اتخطاه بس خلاص عدي وقت و كفايا المهم الشخص التاني في كليه حربيه و بيسيبني عشر ايام بيكلمني فيهم يوم واحد بس و بيكون دقيقتين و بينزل اجازه تلت ايام منهم يوم رايح و يوم الراجع فا المفروض أنه ينزل ملهوف عليا و عايز يكلمني عشان هوحشه بس هوه لا مش بيعمل كده و بيطلع من الشات كتير و بيتأخر عليا هوه من محافظه تاني و مش عارفه عادي ده ولا ممكن يكون بيخوني ولا هوه مش عايز يتكلم و بيتسلي مع اني والله ما ببادر ابدا و كلامي تقيل جدا معاه بس انا ببقي مدايقه من جوايا خصوصا اني مش حاسه بمشاعر فا عايزاه يحسسني انه جنبي عشان أحبه و انسي التاني مع عارفه أنا اوفر و هخنقه ولا ده حقي فكرت أنه لما يكلمني خلال الأسبوع متكلمش في حاجه و لما ينزل اجازه اشرحله اني بدايق عشان بيسيبني و أنه مش بيتكلم معايا و كده ولا اسكت لأن ده الطبيعي ولا اسكت و مقولش اني مدايقه و لو فضل كده ابعد عنه
مفيش نصيحة أقدمها غير انك فى دايرة سودة اتمنى تطلعي منها ولا هلوم ولا هعاتب لأننا اخوات و مش هينفع اقولك كده و علشان انتِ زى اخت ف نصيحة لوجه الله يا بنت الحلال حاولى اطلعى من المستنقع الأسود ده و قربي من ربنا لأن كل ده عك عك عك و الله و ده كله هيسيب آثار سلبية على حياتك و قلبك و اخرتك و انتِ لو موتى الوقتي و ربنا يسألك مش هتعرفي تجاوبي ف اخلصى من كل القرف ده و روحى لربنا
حببتي انتي أغلى من كل ده والله ربنا كرمك فانتي متقلليش من نفسك انا عارفه انك غصب عنك والفتن كتير وبتغريكي والشيطان بيوسولك بس انا بقولك انتي لو استعنتي بالله وجاهدتي نفسك هتقدري تبعدي وكمان بلاش تدخلي أي علاقه حتى لو خطوبه غير لما تتعافي من العلاقه القديمه وابعدي واستني نصيبك يجيلك البيت علشان ربنا كرمك♥️
من البداية انتي قلتي هو الي معجب بيكي يعني انتي مش بتحبيه يعني سهل انك تخلصي من العلاقة دي لانها بتجهد تفكيرك عالفاضي ومش دي الطريقة الي هتنسي بيها الأول، الاحسن تاخدي راحة من حوار العلاقات وتفكك عشان الموضوع بيستنزف مشاعرك وبيخليكي مستهلكة نفسيا وبيتعبك، ف نصيحتي بلاش العلاقات دي عشان بتتعبك بس مش بتساعدك وطريقتك في التخطي انك تسيبي كل حاجة وراكي وتشوفي حياتك ومصلحتك
كيمة عبث انتي عاوزه اي الحوار كله غلط فغلط يعني هوا اللي معجب بيكي ونتي اللي مضايقه وعاوزاه يهتم بيكي عشان تبدائي تتشديلو وتتلهي معاه وتنسي الاولاني اللي بتقولي انك مش هتوقفي حياتك عليه ع اساس ان الامر طبيعي ودا كله بقي بنسبة كبيره خارج حدود الرسميه و من ورا اهلك يعني لو قولنا انه برسميه فبردو انتي عاوزه واحد يركز معاكي عشان تنسي الاولاني ؟ يعني انتي ترضيها ع نفسك و مضايقه منه كمان
و على فكرة عموما يعني فكرة انك تطلعي من الشات لا متطلعيش و تفضلي فيه دى حاجات هبلة عمرها ما كانت مقياس و كل ده عك و قرف مش حب
متحلفش غير بي ربنا
حااسه انى تعليقى هيفرق شوويه اولا محدش بيعمل دا غير لو نااقص اهتمام وعندو احتيااج من الاهل او الصحبه كل كلامها الشاغل انها بتحب فلان وفلان بيحبها وعايزها وبيسوى بصى يا بنتى انتى زى اختى حبى نفسك ومتستنيش حد يحبك اكتشفى موهبتك من وانتى فى سن المراهقه او الشبااب علشان تبقى عارفه هدفك كوويس توبى وارجعى لى ربنا اقراءى قران صح حاولى تشووفى ايه الايه دى وربنا كتبها ليه هتلاقيكى قربتى من ربنا اوى واتعلقتى بيه هو وهو الى بيطبطب عليكى صدقينى حااسه بيكى وسلمى امرك لله ساعتها هيجى الى يشيلك من على الارض شيل ♥🫰🏻هيحبك بدوون تكليف وفى بنات وانا من ضمنهم بخااف من جواز الصالونات بس يمكن هتتجوزى عن حب بس فى الوقت المنااسب الوقت الى م هيتعبك هتلاقى شخص نااضج بحتويكى ويخااف على مشااعرك يستحملك وياخد بيدك للطريق الصح الدينا هى وسله للاخره متنسيش دا حبى نفسك هى عليكى حق اهتمى بى نفسك ساعتها هتحسى انك ملكه +انا بحبك ♥🫰🏻
حقيقي انتي المفروض تبعدي عن كلو ده الشخص الاول شخص فاضي والتاني بيحوار اكيد انتي كدا بتضيعي نفسك انا شاب وعارف تفكير الشباب
عندك نمط اسمه التعلق المتجنب تابعي مع اخصائي عشان تفهمي انتي بتعملي كده ليه
و على فكرة انتِ عمرك ما هتنسي اللى قال حاجة زى النسيان دى كداب و هى اكبر كدبة فعلا لأن محدش بينسى غير المريض زهايمر او فاقد الذاكرة بقى الله يعافينا و اللى هيشفيكِ من اللى انتِ فيه قربك من ربنا
انا كنت بعمل كدا بالظبط كنت دايما اقولها كدا عشان ببقا ماسك فون ومستني اي رد منها عشان بحبها و في اخر سابتني بلا اي سبب واختفت
الي عايز حد بيخترعله وقت صدقيني
سؤال اهبل اتعرفتي عليه ازاي
نفس اسمي هنا على ال T